نہیں ہمت تو ایسا کیجئے گا — شارق کیفی
شاعر
نہیں ہمت تو ایسا کیجئے گا
نہیں ہمت تو ایسا کیجئے گا
شرافت سے گزارہ کیجئے گا
وگرنہ ہم کبھی راضی نہ ہوں گے
ہمیں دھوکے سے اچھا کیجئے گا
وہ ذہنوں کا سفر جو رہ گیا تھا
اسے رستے میں پورا کیجئے گا
مرے ہی واسطے یہ درد کم ہے
کہاں دنیا سے حصہ کیجئے گا
چنا ہے آپ کو سو دشمنوں میں
جوابی وار اچھا کیجئے گا
بہت مشکل ہنر ہے بے وفائی
اسی میں نام پیدا کیجئے گا
شارق کیفی
ye kah ke aur mera sabr aazmaya gaya
ye kah ke aur mirā sabr āzmāyā gayā
vo raah par thā mujhe rāste pe laayā gayā
pata thā koī kisī ko nahīñ manā.egā
so iḳhtilāf ziyāda nahīñ baḌhāyā gayā
ab is ḳhayāl ne nīñdeñ harām kar dī haiñ
vo koī thā bhī jise 'umr-bhar bhulāyā gayā
kuchh aisī kaifiyat-e-vajd thī ki phir ham se
tamāshbīñ ke liye kuchh nahīñ bachāyā gayā
ḳhayāl aayā ki be-chehragī hī achchhī thī
kabhī ye chehra agar kaam meñ bhī laayā gayā
to jāniye ki ye sahrā ye dasht sab bekār
agar junūñ ko tamāsha nahīñ banāyā gayā
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں