یہ کچھ بدلاؤ سا اچھا لگا ہے — شارق کیفی
شاعر
یہ کچھ بدلاؤ سا اچھا لگا ہے
یہ کچھ بدلاؤ سا اچھا لگا ہے
ہمیں اک دوسرا اچھا لگا ہے
سمجھنا ہے اسے نزدیک جا کر
جسے مجھ سا برا اچھا لگا ہے
یہ کیا ہر وقت جینے کی دعائیں
یہاں ایسا بھی کیا اچھا لگا ہے
سفر تو زندگی بھر کا ہے لیکن
یہ وقفہ سا ذرا اچھا لگا ہے
مری نظریں بھی ہیں اب آسماں پر
کوئی محو دعا اچھا لگا ہے
ہوئے برباد جس کے عشق میں ہم
وہ اب جا کر ذرا اچھا لگا ہے
وہ سورج جو مرا دشمن تھا دن بھر
مجھے ڈھلتا ہوا اچھا لگا ہے
کوئی پوچھے تو کیا بتلائیں گے ہم
کہ اس منظر میں کیا اچھا لگا ہے
شارق کیفی
ye kuchh badlaw sa achchha laga hai
ye kuchh badlāv sā achchhā lagā hai
hameñ ik dūsrā achchhā lagā hai
samajhnā hai use nazdīk jā kar
jise mujh sā burā achchhā lagā hai
ye kyā har vaqt jiine kī duā.eñ
yahāñ aisā bhī kyā achchhā lagā hai
safar to zindagī bhar kā hai lekin
ye vaqfa sā zarā achchhā lagā hai
mirī nazreñ bhī haiñ ab āsmāñ par
koī mahv-e-duā achchhā lagā hai
hue barbād jis ke ishq meñ ham
vo ab jā kar zarā achchhā lagā hai
vo sūraj jo mirā dushman thā din bhar
mujhe Dhaltā huā achchhā lagā hai
koī pūchhe to kyā batlā.eñge ham
ki is manzar meñ kyā achchhā lagā hai
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں