یہ سچ ہے دنیا بہت حسیں ہے — شارق کیفی
شاعر
یہ سچ ہے دنیا بہت حسیں ہے
یہ سچ ہے دنیا بہت حسیں ہے
مگر مری عمر کی نہیں ہے
تری جگہ کون لے سکے گا
تو میرا پہلا تماش بیں ہے
مجھی پہ ہے سوچنے کا ذمہ
اسے تو ہر بات کا یقیں ہے
بجھا ہی رہتا ہے دل ہمارا
نہ جانے کس دھوپ کا نگیں ہے
ہے مجھ پہ الزام خود ستائش
اور اس میں کچھ جھوٹ بھی نہیں ہے
نہ رکھ بہت ہوش کی توقع
کہ یہ مرا عشق اولیں ہے
عجب ہے انداز بندگی بھی
کہ ہم کہیں اور صف کہیں ہے
شارق کیفی
ye sach hai duniya bahut hasin hai
ye sach hai duniyā bahut hasīñ hai
magar mirī umr kī nahīñ hai
tirī jagah kaun le sakegā
tū merā pahlā tamāsh-bīñ hai
mujhī pe hai sochne kā zimma
use to har baat kā yaqīñ hai
bujhā hī rahtā hai dil hamārā
na jaane kis dhuup kā nagīñ hai
hai mujh pe ilzām-e-ḳhud-satā.ish
aur is meñ kuchh jhuuT bhī nahīñ hai
na rakh bahut hosh kī tavaqqo
ki ye mirā ishq-e-avvalīñ hai
ajab hai andāz-e-bandagī bhī
ki ham kahīñ aur saf kahīñ hai
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں