یوں بھی آواز کو اونچا نہیں کر پائے ہم — شارق کیفی
شاعر
یوں بھی آواز کو اونچا نہیں کر پائے ہم
یوں بھی آواز کو اونچا نہیں کر پائے ہم
اپنے غصے پہ بھروسہ نہیں کر پائے ہم
آ بدن کو ہی ترے ہاتھ لگا کر دیکھیں
آگ پتھر سے تو پیدا نہیں کر پائے ہم
شکل دنیا کی بدلنا تو بہت دور کی بات
ایک کمرے کو بھی کمرہ نہیں کر پائے ہم
جس میں ہر بات کہی جاتی ہے آسانی سے
ایسے حالات ہی پیدا نہیں کر پائے ہم
کوئی سکہ نہیں چادر پہ تو حیرت کیا ہے
اک تماشہ کبھی پورا نہیں کر پائے ہم
وہ بھی ان چند مریضوں میں ہے شامل شارقؔ
مسکرا کر جنہیں اچھا نہیں کر پائے ہم
شارق کیفی
yun bhi aawaz ko uncha nahin kar pae hum
yuuñ bhī āvāz ko ūñchā nahīñ kar paa.e ham
apne ġhusse pe bharosa nahīñ kar paa.e ham
aa badan ko hī tire haath lagā kar dekheñ
aag patthar se to paidā nahīñ kar paa.e ham
shakl duniyā kī badalnā to bahut duur kī baat
ek kamre ko bhī kamra nahīñ kar paa.e ham
jis meñ har baat kahī jaatī hai āsānī se
aise hālāt hī paidā nahīñ kar paa.e ham
koī sikka nahīñ chādar pe to hairat kyā hai
ik tamāsha kabhī puurā nahīñ kar paa.e ham
vo bhī un chand marīzoñ meñ hai shāmil 'shāriq'
muskurā kar jinheñ achchhā nahīñ kar paa.e ham
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں