یوں بھی صحرا سے ہم کو رغبت ہے — شارق کیفی
شاعر
یوں بھی صحرا سے ہم کو رغبت ہے
یوں بھی صحرا سے ہم کو رغبت ہے
بس یہی بے گھروں کی عزت ہے
اب سنورنے کا وقت اس کو نہیں
جب ہمیں دیکھنے کی فرصت ہے
تجھ سے میری برابری ہی کیا
تجھ کو انکار کی سہولت ہے
قہقہہ ماریے میں کچھ بھی نہیں
مسکرانے میں جتنی محنت ہے
سیر دنیا کو آ تو جاؤ مگر
واپسی میں بڑی مصیبت ہے
یہ جو اک شکل مل گئی ہے مجھے
یہ بھی آئینے کی بدولت ہے
یہ ترے شہر میں کھلا مجھ پر
مسکرانا بھی ایک عادت ہے
شارق کیفی
yun bhi sahra se hum ko raghbat hai
yuuñ bhī sahrā se ham ko raġhbat hai
bas yahī be-gharoñ kī izzat hai
ab sañvarne kā vaqt us ko nahīñ
jab hameñ dekhne kī fursat hai
tujh se merī barābarī hī kyā
tujh ko inkār kī suhūlat hai
qahqaha māriye meñ kuchh bhī nahīñ
muskurāne meñ jitnī mehnat hai
sair-e-duniyā ko aa to jaao magar
vāpsī meñ baḌī musībat hai
ye jo ik shakl mil ga.ī hai mujhe
ye bhī ā.īne kī badaulat hai
ye tire shahr meñ khulā mujh par
muskurānā bhī ek aadat hai
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں