ضبط کا خرچ — شارق کیفی
شاعر
ضبط کا خرچ
ضبط کو سوچ کر خرچ کرتا ہوں میں
ہر کسی پر نہیں
ہر جگہ پر نہیں
اس لئے میری آنکھیں کبھی خشک ہوتی نہیں
ایسا لگتا ہے ہر بات پر
جیسے رونے کو تیار بیٹھا ہوں میں
دوستوں سے ہوئی بد زبانی پہ بھی
دکھ بھری دوسروں کی کہانی پہ بھی
یوں
کہ میں ضبط کو خرچ کرنا نہیں چاہتا
چھوٹی موٹی کسی بات پر
ہاں مگر
بڑے واقعے جب ہوئے
یہاں تک کہ جب میرے گھر سے جنازے اٹھے
تب کسی نے مری آنکھ میں ایک آنسو بھی دیکھا نہیں
کوئی یہ سوچتا ہے اگر
کہ اس نے مجھے اپنے غم میں رلا کر
بڑا معرکہ کوئی سر کر لیا ہے
تو پاگل ہے وہ
شارق کیفی
zabt ka KHarch
zabt ko soch kar ḳharch kartā huuñ maiñ
har kisī par nahīñ
har jagah par nahīñ
is liye merī āñkheñ kabhī ḳhushk hotī nahīñ
aisā lagtā hai har baat par
jaise rone ko tayyār baiThā huuñ maiñ
dostoñ se huī bad-zabānī pe bhī
dukh-bharī dūsroñ kī kahānī pe bhī
yuuñ
ki maiñ zabt ko ḳharch karnā nahīñ chāhtā
chhoTī-moTī kisī baat par
haañ magar
baḌe vāqa’e jab hue
yahāñ tak ki jab mere ghar se janāze uThe
tab kisī ne mirī aañkh meñ ek aañsū bhī dekhā nahīñ
koī ye sochtā hai agar
ki us ne mujhe apne ġham meñ rulā kar
baḌā mā'raka koī sar kar liyā hai
to pāgal hai vo
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں