آہ شب نالۂ سحر لے کر — وحشت رضا علی
شاعر
آہ شب نالۂ سحر لے کر
آہ شب نالۂ سحر لے کر
نکلے ہم توشۂ سفر لے کر
شغل ہے نالہ کچھ مراد نہیں
کیا کروں اے فلک اثر لے کر
تیری محفل کا یار کیا کہنا
ہم بھی نکلے ہیں چشم تر لے کر
آپ میں نے دیا دل اس بت کو
جھک گئی شاخ خود ثمر لے کر
تھا قفس کا خیال دامن گیر
اڑ سکے ہم نہ بال و پر لے کر
وحشتؔ اس بزم میں رہے تھے رات
صبح نکلے ہیں درد سر لے کر
وحشتؔ رضا علی
Aah shab nalah sehar le kar
Aah shab nalah sehar le kar
Nikle hum tosha-e-safar le kar
Shaghl hai nalah kuch murad nahin
Kya karoon ae falak asar le kar
Teri mehfil ka yaar kya kehna
Hum bhi nikle hain chashm-e-tar le kar
Aap main ne diya dil us but ko
Jhuk gai shaakh khud samar le kar
Tha qafas ka khayal daman geer
Ud sake hum na baal-o-par le kar
Wahshat is bazm mein rahe the raat
Subah nikle hain dard-e-sar le kar
شاعر کے بارے میں
وحشت رضا علی کلکتوی اردو کے ممتاز شاعر، ادیب، نقاد اور استادِ سخن تھے جن کا اصل نام سید رضا علی تھا جبکہ “وحشتؔ” ان کا تخلص تھا۔ وہ 18 نومبر 1881ء ...
مکمل تعارف پڑھیں