لبریز حقیقت گو افسانۂ موسیٰ ہے — وحشت رضا علی
شاعر
لبریز حقیقت گو افسانۂ موسیٰ ہے
لبریز حقیقت گو افسانۂ موسیٰ ہے
اے حسن حجاب آرا کس نے تجھے دیکھا ہے
محفل سی سجائی ہے دیدار کی حسرت نے
ہر چند ترا جلوہ محبوب تماشا ہے
مٹتا ہے کبھی دل سے نقش اس کی محبت کا
ناکام تمنا بھی مجبور تمنا ہے
جذبات کی دنیا میں برپا ہے قیامت سی
اس حال میں رو پوشی کیا آپ کو زیبا ہے
ساقی تری محفل کو رنگین کیا جس نے
وہ خون ہے تقوے کا یا جلوۂ مینا ہے
اک شیوہ تغافل ہے اک عشوہ تجاہل ہے
غصہ ہے بجا تیرا شکوہ مرا بے جا ہے
یہ بے دلی اچھی ہے دیوانہ نہ بن وحشتؔ
انجام تمنا کا حسرت کے سوا کیا ہے
وحشتؔ رضا علی
Labrez-e-haqeeqat go afsana-e-Moosa hai
Labrez-e-haqeeqat go afsana-e-Moosa hai
Ae husn-e-hijab-aara kis ne tujhe dekha hai
Mahfil si sajai hai deedaar ki hasrat ne
Har chand tera jalwa mehboob-e-tamasha hai
Mitta hai kabhi dil se naqsh us ki mohabbat ka
Nakaam-e-tamanna bhi majboor-e-tamanna hai
Jazbaat ki duniya mein barpa hai qayamat si
Is haal mein ro-poshi kya aap ko zaiba hai
Saaqi teri mahfil ko rangeen kiya jis ne
Wo khoon hai taqwe ka ya jalwa-e-meena hai
Ek shaiwa-e-taghaful hai ek ishwa-e-tajahul hai
Ghussa hai baja tera, shikwa mera beja hai
Ye be-dili achhi hai, deewane na ban Wahshat!
Anjaam-e-tamanna ka hasrat ke siwa kya hai
شاعر کے بارے میں
وحشت رضا علی کلکتوی اردو کے ممتاز شاعر، ادیب، نقاد اور استادِ سخن تھے جن کا اصل نام سید رضا علی تھا جبکہ “وحشتؔ” ان کا تخلص تھا۔ وہ 18 نومبر 1881ء ...
مکمل تعارف پڑھیں