سنگ طفلاں فدائے سر نہ ہوا — وحشت رضا علی
شاعر
سنگ طفلاں فدائے سر نہ ہوا
سنگ طفلاں فدائے سر نہ ہوا
آج اس کوچے میں گزر نہ ہوا
ہم بھی تھے جوہر گراں مایہ
پر کوئی صاحب نظر نہ ہوا
امن عالم میں کیوں نہیں یا رب
اس کے قابل مگر بشر نہ ہوا
بے کسی پردہ دار درد ہوئی
خیر گزری کہ اپنا گھر نہ ہوا
قدردانی کی کیفیت معلوم
عیب کیا ہے اگر ہنر نہ ہوا
سر جھکائے جو آتے ہو وحشتؔ
مگر اس بزم میں گزر نہ ہوا
وحشتؔ رضا علی
Sang-e-tiflaan fida-e-sar na hua
Sang-e-tiflaan fida-e-sar na hua
Aaj us kuche mein guzar na hua
Hum bhi the jauhar-e-giraan-maya
Par koi sahib-e-nazar na hua
Amn-e-aalam mein kyun nahin ya Rabb
Is ke qaabil magar bashar na hua
Be-kasi parda-daar-e-dard hui
Khair guzri ke apna ghar na hua
Qadrdaani ki kaifiyat maloom
Aib kya hai agar hunar na hua
Sar jhukaye jo aate ho Wahshat!
Magar is bazm mein guzar na hua
شاعر کے بارے میں
وحشت رضا علی کلکتوی اردو کے ممتاز شاعر، ادیب، نقاد اور استادِ سخن تھے جن کا اصل نام سید رضا علی تھا جبکہ “وحشتؔ” ان کا تخلص تھا۔ وہ 18 نومبر 1881ء ...
مکمل تعارف پڑھیں