شرمندہ کیا جوہر بالغ نظری نے — وحشت رضا علی
شاعر
شرمندہ کیا جوہر بالغ نظری نے
شرمندہ کیا جوہر بالغ نظری نے
اس جنس کو بازار میں پوچھا نہ کسی نے
صد شکر کسی کا نہیں محتاج کرم میں
احسان کیا ہے تری بیداد گری نے
محتاج تھی آئینے کی تصویر سی صورت
تصویر بنایا مجھے محفل میں کسی نے
گل ہنستے ہیں غنچے بھی ہیں لبریز تبسم
کیا ان سے کہا جا کے نسیم سحری نے
مایوس نہ کر دے کہیں ان کی نگہ گرم
امید دلائی ہے مجھے سادہ دلی نے
محنت ہی پہ موقوف ہے آسائش گیتی
کھوئی مری راحت مری راحت طلبی نے
وحشتؔ میں نگاہوں کے تجسس سے ہوں آزاد
احسان کیا مجھ پہ مری بے ہنری نے
وحشتؔ رضا علی
Sharminda kiya jauhar-e-baligh-nazri ne
Sharminda kiya jauhar-e-baligh-nazri ne
Is jins ko bazaar mein poochha na kisi ne
Sad shukr kisi ka nahin mohtaaj-e-karam main
Ehsaan kiya hai teri bedaad-gari ne
Mohtaaj thi aaine ki tasveer si surat
Tasveer banaya mujhe mahfil mein kisi ne
Gul hanste hain ghunche bhi hain labrez-e-tabassum
Kya un se kaha ja ke naseem-e-sahari ne
Mayus na kar de kahin un ki nigah-e-garm
Umeed dilai hai mujhe sada-dili ne
Mehnat hi pe mauqoof hai aasaish-e-geeti
Khoi meri rahat, meri rahat-talabi ne
Wahshat! main nigahon ke tajassus se hoon aazad
Ehsaan kiya mujh pe meri be-hunari ne
شاعر کے بارے میں
وحشت رضا علی کلکتوی اردو کے ممتاز شاعر، ادیب، نقاد اور استادِ سخن تھے جن کا اصل نام سید رضا علی تھا جبکہ “وحشتؔ” ان کا تخلص تھا۔ وہ 18 نومبر 1881ء ...
مکمل تعارف پڑھیں