دیکھنا وہ گریۂ حسرت مآل آ ہی گیا — وحشت رضا علی
شاعر
دیکھنا وہ گریۂ حسرت مآل آ ہی گیا
دیکھنا وہ گریۂ حسرت مآل آ ہی گیا
بیکسی میں کوئی تو پرسان حال آ ہی گیا
جرأت عرض تمنا کا سبب وہ خود ہوئے
مہرباں دیکھا انہیں لب پر سوال آ ہی گیا
دل کو ہم کب تک بچائے رکھتے ہر آسیب سے
ٹھیس آخر لگ گئی شیشے میں بال آ ہی گیا
بے وفائی سے وفا کا دیتے وہ کب تک جواب
دل ہی تو ہے رفتہ رفتہ انفعال آ ہی گیا
خود فراموشی کی لذت نامکمل رہ گئی
باوجود بے خودی تیرا خیال آ ہی گیا
ایک مدت سے نہیں ملتا تھا وحشتؔ کا پتا
لے ترے کوچے میں وہ آشفتہ حال آ ہی گیا
وحشتؔ رضا علی
Dekhna wo girya-e-hasrat-maal aa hi gaya
Dekhna wo girya-e-hasrat-maal aa hi gaya
Bekasi mein koi to pursan-e-haal aa hi gaya
Jur'at-e-arz-e-tamanna ka sabab wo khud hue
Mehrbaan dekha unhein, lab par sawal aa hi gaya
Dil ko hum kab tak bachaye rakhte har aaseeb se
Thes aakhir lag gai, sheeshe mein baal aa hi gaya
Bewafai se wafa ka dete wo kab tak jawab
Dil hi to hai, rafta rafta infi'aal aa hi gaya
Khud-faramoshi ki lazzat namukammal reh gai
Bawajood-e-be-khudi tera khayal aa hi gaya
Ek muddat se nahin milta tha Wahshat! ka pata
Le tere kuche mein wo aashufta-haal aa hi gaya
شاعر کے بارے میں
وحشت رضا علی کلکتوی اردو کے ممتاز شاعر، ادیب، نقاد اور استادِ سخن تھے جن کا اصل نام سید رضا علی تھا جبکہ “وحشتؔ” ان کا تخلص تھا۔ وہ 18 نومبر 1881ء ...
مکمل تعارف پڑھیں