آزاد اس سے ہیں کہ بیاباں ہی کیوں نہ ہو — وحشت رضا علی
شاعر
آزاد اس سے ہیں کہ بیاباں ہی کیوں نہ ہو
آزاد اس سے ہیں کہ بیاباں ہی کیوں نہ ہو
پھاڑیں گے جیب گوشۂ زنداں ہی کیوں نہ ہو
ہو شغل کوئی جی کے بہلنے کے واسطے
راحت فزا ہے نالہ و فغاں ہی کیوں نہ ہو
سودائے زلف یار سے باز آئیں گے نہ ہم
مجموعۂ حواس پریشاں ہی کیوں نہ ہو
احسان تیر یار ادا ہو سکے گا کیا
جان اپنی نذر لذت پیکاں ہی کیوں نہ ہو
جیتے رہیں گے وعدۂ صبر آزما پہ ہم
عمر اپنی مثل وقت گریزاں ہی کیوں نہ ہو
وحشتؔ رکیں نہ ہاتھ سر حشر دیکھنا
اس فتنہ خو کا گوشۂ داماں ہی کیوں نہ ہو
وحشتؔ رضا علی
Aazad is se hain ke bayaban hi kyon na ho
Aazad is se hain ke bayaban hi kyon na ho
Phaaden ge jaib, gosha-e-zindan hi kyon na ho
Ho shughl koi jee ke behalne ke waaste
Rahat-faza hai nala-o-fughaan hi kyon na ho
Sauda-e-zulf-e-yaar se baaz aayenge na hum
Majmua-e-hawas pareshaan hi kyon na ho
Ehsaan-e-teer-e-yaar ada ho sakega kya
Jaan apni nazr-e-lazzat-e-paikaan hi kyon na ho
Jeete rahenge wa'da-e-sabr-aazma pe hum
Umar apni misl-e-waqt-e-gurezan hi kyon na ho
Wahshat! rakhein na haath sar-e-hashr dekhna
Is fitna-khu ka gosha-e-damaan hi kyon na ho
شاعر کے بارے میں
وحشت رضا علی کلکتوی اردو کے ممتاز شاعر، ادیب، نقاد اور استادِ سخن تھے جن کا اصل نام سید رضا علی تھا جبکہ “وحشتؔ” ان کا تخلص تھا۔ وہ 18 نومبر 1881ء ...
مکمل تعارف پڑھیں