آئینۂ خیال تھا عکس پذیر راز کا — وحشت رضا علی
شاعر
آئینۂ خیال تھا عکس پذیر راز کا
آئینۂ خیال تھا عکس پذیر راز کا
طور شہید ہو گیا جلوۂ دل نواز کا
پایہ بہت کیا بلند اس نے حریم ناز کا
تا نا پہنچ سکے غبار رہ گزر نیاز کا
خستگیٔ کلیم نے نکتہ عجب سمجھا دیا
ورنہ حریف میں بھی تھا اس مژۂ دراز کا
دیر ملا تھا راہ میں کعبے کو ہم نکل گئے
جذبۂ شوق میں دماغ کس کو ہو امتیاز کا
بندگی اور صاحبی اصل میں دونوں ایک ہیں
جس کا غلام ایاز ہے وہ ہے غلام ایاز کا
گو تہی نصیب نے دور رکھا تو کیا ہوا
بندۂ خانہ زاد ہوں اس کے قد دراز کا
شوق ترا ہے موجزن ذوق ترا بہانہ جو
کھول نہ دیں بھرم کہیں پرد گیان راز کا
مستیٔ بے خودی سے یاں آنکھ کھلی نہ حشر تک
یعنی یہی جواب تھا نرگس نیم باز کا
آہ و فغاں کے ساتھ ساتھ چھا گئی ایک بے خودی
قطع زباں ضرور تھا شمع زباں دراز کا
خاک میں مل گئے ولے آنکھ اٹھی نہ شرم سے
ہم سے ہوا نہ حق ادا اس کی نگاہ ناز کا
مطرب خلد کیا سنائے وحشت خستہ کیا سنے
معتقد قدیم ہے زمزمہ حجاز کا
وحشتؔ رضا علی
Aaina-e-khayal tha aks pazeer-e-raaz ka
Aaina-e-khayal tha aks pazeer-e-raaz ka
Toor shaheed ho gaya jalwa-e-dil nawaz ka
Paya bohat kiya buland us ne harim-e-naaz ka
Ta na pahunch sake ghubaar-e-rehguzaar-e-niyaz ka
Khastegi-e-Kaleem ne nukta ajab samjha diya
Warna harif mein bhi tha is mizha-e-daraz ka
Deir mila tha raah mein Kaabe ko hum nikal gaye
Jazba-e-shauq mein dimagh kis ko ho imtiyaz ka
Bandagi aur sahab-i asl mein dono ek hain
Jis ka ghulam Ayaz hai woh hai ghulam-e-Ayaz ka
Go thi naseeb ne dur rakha to kya hua
Banda khana zaad hun us ke qad-e-daraaz ka
Shauq tera hai maujzan zauq tera bahana ju
Khol na den bharam kahin parda giyan raaz ka
Masti-e-bekhudi se yahan aankh khuli na hashr tak
Yaani yehi jawab tha nargis-e-neem baaz ka
Aah-o-fughaan ke saath saath chha gayi ek bekhudi
Qata-e-zaban zaroor tha shama-e-zaban daraaz ka
Khaak mein mil gaye walay aankh uthi na sharm se
Hum se hua na haq ada us ki nigah-e-naaz ka
Mutrib-e-khuld kya sunaye Wahshat khasta kya sune
Mu'taqid-e-qadeem hai zamzama-e-Hijaaz ka
شاعر کے بارے میں
وحشت رضا علی کلکتوی اردو کے ممتاز شاعر، ادیب، نقاد اور استادِ سخن تھے جن کا اصل نام سید رضا علی تھا جبکہ “وحشتؔ” ان کا تخلص تھا۔ وہ 18 نومبر 1881ء ...
مکمل تعارف پڑھیں