آپ اپنا روئے زیبا دیکھیے — وحشت رضا علی
شاعر
آپ اپنا روئے زیبا دیکھیے
آپ اپنا روئے زیبا دیکھیے
یا مجھے محو تماشا دیکھیے
شوق کو ہنگامہ آرا دیکھیے
کاروبار حسرت افزا دیکھیے
رنگ گلزار تمنا دیکھیے
دل کشی ہائے تماشا دیکھیے
حسن ہے سو رنگ میں تحسیں طلب
دیدۂ حیراں سے کیا کیا دیکھیے
بزم میں اس بے مروت کی مجھے
دیکھنا پڑتا ہے کیا کیا دیکھیے
حسرت آنکھوں میں ہے لب خاموش ہیں
شیوۂ عرض تمنا دیکھیے
ہائے رے ذوق تماشائے جمال
خود تماشا ہوں تماشا دیکھیے
آپ نے پھر کر نہ دیکھا اس طرف
ہو گیا خون تمنا دیکھیے
اٹھتی ہیں نظریں مری کس شوق سے
مجھ کو ہنگام تماشا دیکھیے
حسرتوں کا ہائے رے دل میں ہجوم
آرزوؤں کا نتیجہ دیکھیے
سجدے کو بیتاب ہوتی ہیں جبیں
شوخئ نقش کف پا دیکھیے
میں ہوں اس ساقی کا دیوانہ جسے
دیکھیے جب مست صہبا دیکھیے
خاک میں کس دن ملاتی ہے مجھے
اس سے ملنے کی تمنا دیکھیے
کہتے ہیں کر لیں گے اس کافر کو رام
حضرت وحشتؔ کا دعویٰ دیکھیے
وحشتؔ رضا علی
Aap apna ro'ay zeba dekhiye
Aap apna ro'ay zeba dekhiye
Ya mujhe mahv-e-tamasha dekhiye
Shauq ko hangama-ara dekhiye
Karobar-e-hasrat afza dekhiye
Rang-e-gulzar-e-tamanna dekhiye
Dil-kashi haye tamasha dekhiye
Husn hai sau rang mein tehsin talab
Deeda-e-hairan se kya kya dekhiye
Bazm mein us be-muravvat ki mujhe
Dekhna padta hai kya kya dekhiye
Hasrat aankhon mein hai lab khamosh hain
Shewa-e-arz-e-tamanna dekhiye
Haye re zauq-e-tamashay-e-jamal
Khud tamasha hoon tamasha dekhiye
Aap ne phir kar na dekha is taraf
Ho gaya khoon-e-tamanna dekhiye
Uthti hain nazrein meri kis shauq se
Mujh ko hangam-e-tamasha dekhiye
Hasraton ka haye re dil mein hujoom
Arzuon ka natija dekhiye
Sajde ko betab hoti hain jabeen
Shokhi-e-naqsh-e-kaf-e-pa dekhiye
Main hoon us saaqi ka deewana jise
Dekhiye jab mast-e-sahba dekhiye
Khaak mein kis din milati hai mujhe
Us se milne ki tamanna dekhiye
Kahte hain kar lenge us kafir ko ram
Hazrat Wahshatؔ ka daava dekhiye
شاعر کے بارے میں
وحشت رضا علی کلکتوی اردو کے ممتاز شاعر، ادیب، نقاد اور استادِ سخن تھے جن کا اصل نام سید رضا علی تھا جبکہ “وحشتؔ” ان کا تخلص تھا۔ وہ 18 نومبر 1881ء ...
مکمل تعارف پڑھیں