اے اہل وفا خاک بنے کام تمہارا — وحشت رضا علی
شاعر
اے اہل وفا خاک بنے کام تمہارا
اے اہل وفا خاک بنے کام تمہارا
آغاز بتا دیتا ہے انجام تمہارا
جاتے ہو کہاں عشق کے بیداد کشو تم
اس انجمن ناز میں کیا کام تمہارا
اے دیدہ و دل کچھ تو کرو ضبط و تحمل
لبریز مئے شوق سے ہے جام تمہارا
اے کاش مرے قتل ہی کا مژدہ وہ ہوتا
آتا کسی صورت سے تو پیغام تمہارا
وحشتؔ ہو مبارک تمہیں بدمستی و رندی
جز عشق بتاں اور ہے کیا کام تمہارا
وحشتؔ رضا علی
Ae ahl-e-wafa, khaak bane kaam tumhara
Ae ahl-e-wafa, khaak bane kaam tumhara
Aaghaaz bata deta hai anjaam tumhara
Jaate ho kahan ishq ke bedaad-kasho tum
Is anjuman-e-naaz mein kya kaam tumhara
Ae dida-o-dil kuch to karo zabt-o-tahamul
Labrez mai-e-shauq se hai jaam tumhara
Ae kaash mere qatl hi ka muzhda wo hota
Aata kisi surat se to paigham tumhara
Wahshat! ho mubarak tumhein badmasti-o-rindi
Juz ishq-e-butan aur hai kya kaam tumhara
شاعر کے بارے میں
وحشت رضا علی کلکتوی اردو کے ممتاز شاعر، ادیب، نقاد اور استادِ سخن تھے جن کا اصل نام سید رضا علی تھا جبکہ “وحشتؔ” ان کا تخلص تھا۔ وہ 18 نومبر 1881ء ...
مکمل تعارف پڑھیں