اور عشرت کی تمنا کیا کریں — وحشت رضا علی
شاعر
اور عشرت کی تمنا کیا کریں
اور عشرت کی تمنا کیا کریں
سامنے تو ہو تجھے دیکھا کریں
محو ہو جائیں تصور میں ترے
ہم بھی اپنے قطرے کو دریا کریں
ہم کو ہے ہر روز ہر وقت انتظار
بندہ پرور گاہ گاہ آیا کریں
چارہ گر کا چاہیئے کرنا علاج
اس کو بھی اپنا سا دیوانہ کریں
ان کے آنے کا بھروسا ہو نہ ہو
راہ ہم ان کی مگر دیکھا کریں
ہم نہیں ناواقف رسم ادب
دل کی بیتابی کو وحشتؔ کیا کریں
وحشتؔ رضا علی
Aur ishrat ki tamanna kya karen
Aur ishrat ki tamanna kya karen
Samne to ho tujhe dekha karen
Mahv ho jaen tasavvur mein tere
Hum bhi apne qatre ko darya karen
Hum ko hai har roz har waqt intezar
Banda parvar gaah gaah aaya karen
Charagar ka chahiye karna ilaaj
Is ko bhi apna sa deewana karen
Un ke aane ka bharosa ho na ho
Raah hum un ki magar dekha karen
Hum nahin nawaqif-e-rasm-e-adab
Dil ki betaabi ko Wahshat kya karen
شاعر کے بارے میں
وحشت رضا علی کلکتوی اردو کے ممتاز شاعر، ادیب، نقاد اور استادِ سخن تھے جن کا اصل نام سید رضا علی تھا جبکہ “وحشتؔ” ان کا تخلص تھا۔ وہ 18 نومبر 1881ء ...
مکمل تعارف پڑھیں