بہار آئی ہے آرائش چمن کے لیے — وحشت رضا علی
شاعر
بہار آئی ہے آرائش چمن کے لیے
بہار آئی ہے آرائش چمن کے لیے
مری بھی طبع کو تحریک ہے سخن کے لیے
خیال تک نہ کیا اہل انجمن نے کبھی
تمام رات جلی شمع انجمن کے لیے
وطن میں آنکھ چراتے ہیں ہم سے اہل وطن
تڑپتے رہتے ہیں غربت میں ہم وطن کے لیے
چمن کے دام سے جائیں گے ہم کہاں صیاد
قفس فضول ہے پروردۂ چمن کے لیے
میں قید اشک سے آزاد ہوں محبت میں
کہ تجھ کو شمع بنانا ہے انجمن کے لیے
زبان اہل بصیرت پہ عرض حیرت ہے
سکوت داد ہے گویا مرے سخن کے لیے
فروغ طبع خدا داد گرچہ تھا وحشتؔ
ریاض کم نہ کیا ہم نے کسب فن کے لیے
وحشتؔ رضا علی
Bahar aayi hai aaraish-e-chaman ke liye
Bahar aayi hai aaraish-e-chaman ke liye
Meri bhi tab-e-ko tehreek hai sukhan ke liye
Khayal tak na kiya ahl-e-anjuman ne kabhi
Tamaam raat jali shama-e-anjuman ke liye
Watan mein aankh churate hain hum se ahl-e-watan
Tarapte rehte hain ghurbat mein hum watan ke liye
Chaman ke daam se jaenge hum kahan sayyad
Qafas fuzool hai parwarda-e-chaman ke liye
Main qaid-e-ashk se azad hun mohabbat mein
Ke tujh ko shama banana hai anjuman ke liye
Zaban-e-ahl-e-baseerat pe arz-e-hairat hai
Sukoot daad hai goya mere sukhan ke liye
Frogh-e-tab-e-khudadad garche tha Wahshat
Riyaz kam na kiya hum ne kasb-e-fan ke liye
شاعر کے بارے میں
وحشت رضا علی کلکتوی اردو کے ممتاز شاعر، ادیب، نقاد اور استادِ سخن تھے جن کا اصل نام سید رضا علی تھا جبکہ “وحشتؔ” ان کا تخلص تھا۔ وہ 18 نومبر 1881ء ...
مکمل تعارف پڑھیں