درد آ کے بڑھا دو دل کا تم یہ کام تمہیں کیا مشکل ہے — وحشت رضا علی
شاعر
درد آ کے بڑھا دو دل کا تم یہ کام تمہیں کیا مشکل ہے
درد آ کے بڑھا دو دل کا تم یہ کام تمہیں کیا مشکل ہے
بیمار بنانا آساں ہے ہر چند مداوا مشکل ہے
الزام نہ دیں گے ہم تم کو تسکین میں کوئی کی نہ کمی
وعدہ تو وفا کا تم نے کیا کیا کیجئے ایفا مشکل ہے
دل توڑ دیا تم نے میرا اب جوڑ چکے تم ٹوٹے کو
وہ کام نہایت آساں تھا یہ کام بلا کا مشکل ہے
آغاز سے ظاہر ہوتا ہے انجام جو ہونے والا ہے
انداز زمانہ کہتا ہے پوری ہو تمنا مشکل ہے
موقوف کرو اب فکر سخن وحشتؔ نہ کرو اب ذکر سخن
جو کام کہ بے حاصل ٹھہرا دل اس میں لگانا مشکل ہے
وحشتؔ رضا علی
Dard aa ke badha do dil ka tum yeh kaam tumhein kya mushkil hai
Dard aa ke badha do dil ka tum yeh kaam tumhein kya mushkil hai
Bimar banana aasan hai har chand mudawa mushkil hai
Ilzam na denge hum tum ko taskeen mein koi ki na kami
Wada to wafa ka tum ne kiya kya kijiye ifa mushkil hai
Dil tod diya tum ne mera ab jod chuke tum toote ko
Woh kaam nihayat aasan tha yeh kaam bala ka mushkil hai
Aaghaz se zahir hota hai anjaam jo hone wala hai
Andaaz-e-zamana kehta hai poori ho tamanna mushkil hai
Mauqoof karo ab fikr-e-sukhan Wahshat na karo ab zikr-e-sukhan
Jo kaam ke be-hasil thehra dil us mein lagana mushkil hai
شاعر کے بارے میں
وحشت رضا علی کلکتوی اردو کے ممتاز شاعر، ادیب، نقاد اور استادِ سخن تھے جن کا اصل نام سید رضا علی تھا جبکہ “وحشتؔ” ان کا تخلص تھا۔ وہ 18 نومبر 1881ء ...
مکمل تعارف پڑھیں