درد کا میرے یقیں آپ کریں یا نہ کریں — وحشت رضا علی
شاعر
درد کا میرے یقیں آپ کریں یا نہ کریں
درد کا میرے یقیں آپ کریں یا نہ کریں
عرض اتنی ہے کہ اس راز کا چرچا نہ کریں
لاکھ غافل سہی پر ایسے بھی ہم کور نہیں
کہ چمن دیکھ کے ذکر چمن آرا نہ کریں
عقل و دانش سے تو کچھ کام نہ نکلا اپنا
کب تک آخر دل دیوانہ کا کہنا نہ کریں
وہ نگاہیں عجب انداز سے ہیں عشوہ فروش
غم پنہاں کو ہمارے کہیں رسوا نہ کریں
تیرے آشفتہ سر ایسے بھی نہیں سودائی
کہ دل و دیں کے لئے زلف کا سودا نہ کریں
میں نے بیہودہ توقع کی سزا پائی ہے
کچھ خیال آپ مری حسرت دل کا نہ کریں
میرے ارمانوں کو کاش اتنی سمجھ ہو وحشتؔ
کہ ان آنکھوں سے مروت کا تقاضا نہ کریں
وحشتؔ رضا علی
Dard ka mere yaqeen aap karein ya na karein
Dard ka mere yaqeen aap karein ya na karein
Arz itni hai ke is raaz ka charcha na karein
Lakh ghafil sahi par aise bhi hum kor nahin
Ke chaman dekh ke zikr-e-chaman-ara na karein
Aql-o-danash se to kuchh kaam na nikla apna
Kab tak aakhir dil-e-diwana ka kahna na karein
Woh nigahen ajab andaaz se hain ishwa-farosh
Gham-e-pinhan ko hamare kahin ruswa na karein
Tere aashufta sar aise bhi nahin saudai
Ke dil-o-deen ke liye zulf ka sauda na karein
Maine be-huda tawaqqo ki saza paayi hai
Kuchh khayal aap meri hasrat-e-dil ka na karein
Mere armanon ko kaash itni samajh ho Wahshatؔ
Ke in aankhon se muravvat ka taqaza na karein
شاعر کے بارے میں
وحشت رضا علی کلکتوی اردو کے ممتاز شاعر، ادیب، نقاد اور استادِ سخن تھے جن کا اصل نام سید رضا علی تھا جبکہ “وحشتؔ” ان کا تخلص تھا۔ وہ 18 نومبر 1881ء ...
مکمل تعارف پڑھیں