ہوئے ہیں گم جس کی جستجو میں اسی کی ہم جستجو کریں گے — وحشت رضا علی
شاعر
ہوئے ہیں گم جس کی جستجو میں اسی کی ہم جستجو کریں گے
ہوئے ہیں گم جس کی جستجو میں اسی کی ہم جستجو کریں گے
رکھا ہے محروم جس نے ہم کو اسی کی ہم آرزو کریں گے
گئے وہ دن جب کہ اس چمن میں ہوائے نشو و نما تھی ہم کو
خزاں کو دیکھا نہیں ہے ہم نے کہ خواہش رنگ و بو کریں گے
حکایت آرزو ہے نازک زبان کیا خاک کہہ سکے گی
لب خموش و نگاہ حسرت سے دل کی ہم گفتگو کریں گے
جگہ جو آنکھوں میں میں نے دی تھی تو ان سے تھی چشم راز داری
یہ کیا خبر تھی کہ اشک میرے مجھی کو بے آبرو کریں گے
ابھی تو گم کردہ راہ خود ہیں مئے محبت کی بے خودی میں
اگر کبھی آپ میں ہم آئے تو اس کی بھی جستجو کریں گے
اس انجمن میں کہ چشم ساقی کفیل ہو عیش زندگی کی
وہ بادہ خواری میں خام ہوں گے جو فکر جام و سبو کریں گے
طہارت ظاہری سے حاصل نہ ہو سکے گی صفائے باطن
بہا کے ہم خون توبہ وحشتؔ اسی سے اک دن وضو کریں گے
وحشتؔ رضا علی
Hue hain gum jis ki justuju mein usi ki hum justuju karenge
Hue hain gum jis ki justuju mein usi ki hum justuju karenge
Rakha hai mahroom jis ne hum ko usi ki hum aarzoo karenge
Gaye woh din jab ke is chaman mein hawa-e-nashv-o-numa thi hum ko
Khizaan ko dekha nahin hai hum ne ke khwahish-e-rang-o-boo karenge
Hikayat-e-aarzoo hai naazuk zabaan kya khaak keh sakegi
Lab-e-khamosh o nigaah-e-hasrat se dil ki hum guftugu karenge
Jagah jo aankhon mein main ne di thi to un se thi chashm-e-raaz-daari
Yeh kya khabar thi ke ashk mere mujhi ko be-aabroo karenge
Abhi to gum karda raah khud hain mai-e-mohabbat ki be-khudi mein
Agar kabhi aap mein hum aaye to us ki bhi justuju karenge
Is anjuman mein ke chashm-e-saqi kafeel ho aish-e-zindagi ki
Woh baada-khwari mein khaam honge jo fikr-e-jaam-o-sabu karenge
Tahaarat-e-zaahiri se haasil na ho sakegi safaa-e-baatin
Baha ke hum khoon-e-tauba Wahshat isi se ek din wazu karenge
شاعر کے بارے میں
وحشت رضا علی کلکتوی اردو کے ممتاز شاعر، ادیب، نقاد اور استادِ سخن تھے جن کا اصل نام سید رضا علی تھا جبکہ “وحشتؔ” ان کا تخلص تھا۔ وہ 18 نومبر 1881ء ...
مکمل تعارف پڑھیں