جان اس کی اداؤں پر نکلتی ہی رہے گی — وحشت رضا علی
شاعر
جان اس کی اداؤں پر نکلتی ہی رہے گی
جان اس کی اداؤں پر نکلتی ہی رہے گی
یہ چھیڑ جو چلتی ہے سو چلتی ہی رہے گی
ظالم کی تو عادت ہے ستاتا ہی رہے گا
اپنی بھی طبیعت ہے بہلتی ہی رہے گی
دل رشک عدو سے ہے سپند سر آتش
یہ شمع تری بزم میں جلتی ہی رہے گی
غمزہ ترا دھوکا یوں ہی دیتا ہی رہے گا
تلوار ترے کوچے میں چلتی ہی رہے گی
اک آن میں وہ کچھ ہیں تو اک آن میں کچھ ہیں
کروٹ مری تقدیر بدلتی ہی رہے گی
انداز میں شوخی میں شرارت میں حیا میں
واں ایک نہ اک بات نکلتی ہی رہے گی
وحشتؔ کو رہا انس جو یوں فن سخن سے
یہ شاخ ہنر پھولتی پھلتی ہی رہے گی
وحشتؔ رضا علی
Jaan us ki adaon par nikalti hi rahegi
Jaan us ki adaon par nikalti hi rahegi
Yeh chhed jo chalti hai so chalti hi rahegi
Zalim ki to aadat hai satata hi rahega
Apni bhi tabiyat hai behalti hi rahegi
Dil rashk-e-adoo se hai sipand sar-e-aatish
Yeh shama teri bazm mein jalti hi rahegi
Ghamza tera dhoka yun hi deta hi rahega
Talwar tere kuche mein chalti hi rahegi
Ek aan mein woh kuch hain to ek aan mein kuch hain
Karwat meri taqdeer badalti hi rahegi
Andaaz mein shokhi mein shararat mein haya mein
Waan ek na ek baat nikalti hi rahegi
Wahshat ko raha uns jo yun fan-e-sukhan se
Yeh shakh-e-hunar phoolti phalti hi rahegi
شاعر کے بارے میں
وحشت رضا علی کلکتوی اردو کے ممتاز شاعر، ادیب، نقاد اور استادِ سخن تھے جن کا اصل نام سید رضا علی تھا جبکہ “وحشتؔ” ان کا تخلص تھا۔ وہ 18 نومبر 1881ء ...
مکمل تعارف پڑھیں