جدا کریں گے نہ ہم دل سے حسرت دل کو — وحشت رضا علی
شاعر
جدا کریں گے نہ ہم دل سے حسرت دل کو
جدا کریں گے نہ ہم دل سے حسرت دل کو
عزیز کیوں نہ رکھیں زندگی کے حاصل کو
نہاں اگرچہ ہے محفل سے سوز دل میرا
مگر یہ راز ہے معلوم شمع محفل کو
وہ طول کھینچا بلا کا ترے تغافل نے
کہ صبر آ ہی گیا میرے مضطرب دل کو
کٹھن ہے کام تو ہمت سے کام لے اے دل
بگاڑ کام نہ مشکل سمجھ کے مشکل کو
وہ کام میرا نہیں جس کا نیک ہو انجام
وہ راہ میری نہیں جو گئی ہو منزل کو
خبر ہوئی نہ انہیں میرے مضطرب دل کی
غلط خیال ہے یہ دل سے راہ ہے دل کو
بلا کی ہوتی ہے وحشتؔ کی بھی غزل خوانی
کہ اک سرور سا ہوتا ہے اہل محفل کو
وحشتؔ رضا علی
Juda karenge na hum dil se hasrat-e-dil ko
Juda karenge na hum dil se hasrat-e-dil ko
Aziz kyun na rakhen zindagi ke hasil ko
Nihaan agarche hai mehfil se soz-e-dil mera
Magar yeh raaz hai maloom sham-e-mehfil ko
Woh tool khencha bala ka tere taghaful ne
Ke sabr aa hi gaya mere muztarib dil ko
Kathan hai kaam to himmat se kaam le aye dil
Bigaad kaam na mushkil samajh ke mushkil ko
Woh kaam mera nahin jis ka nek ho anjaam
Woh raah meri nahin jo gayi ho manzil ko
Khabar hui na unhein mere muztarib dil ki
Ghalat khayal hai yeh dil se raah hai dil ko
Bala ki hoti hai Wahshat ki bhi ghazal khwani
Ke ek suroor sa hota hai ahl-e-mehfil ko
شاعر کے بارے میں
وحشت رضا علی کلکتوی اردو کے ممتاز شاعر، ادیب، نقاد اور استادِ سخن تھے جن کا اصل نام سید رضا علی تھا جبکہ “وحشتؔ” ان کا تخلص تھا۔ وہ 18 نومبر 1881ء ...
مکمل تعارف پڑھیں