کس نام مبارک نے مزہ منہ کو دیا ہے — وحشت رضا علی
شاعر
کس نام مبارک نے مزہ منہ کو دیا ہے
کس نام مبارک نے مزہ منہ کو دیا ہے
کیوں لب پہ مرے زمزمۂ صل علیٰ ہے
کس در کی گدائی مری قسمت میں ہے یا رب
سر پر جو مرے سایہ فگن بال ہما ہے
سینے میں مرے داغ غم عشق نبی ہے
اک گوہر نایاب مرے ہاتھ لگا ہے
سرگرم ہے دل شافع محشر کی طلب میں
کافر ہوں اگر کچھ بھی غم روز جزا ہے
گستاخ تری مدح سرائی میں ہے وحشتؔ
کیونکر نہ ہو تیرے ہی تو کوچے کا گدا ہے
وحشتؔ رضا علی
Kis naam-e-mubarak ne maza munh ko diya hai
Kis naam-e-mubarak ne maza munh ko diya hai
Kyon lab pe mere zamzama sall-e-ala hai
Kis dar ki gadai meri qismat mein hai ya Rab
Sar par jo mere saya-fagan baal-e-huma hai
Seene mein mere dagh-e-gham-e-ishq-e-Nabi hai
Ek gauhar-e-nayab mere hath laga hai
Sargarm hai dil shafa-e-mahshar ki talab mein
Kafir hoon agar kuchh bhi gham-e-roz-e-jaza hai
Gustakh teri madh-sarai mein hai Wahshatؔ
Kyonkar na ho tere hi to kuche ka gada hai
شاعر کے بارے میں
وحشت رضا علی کلکتوی اردو کے ممتاز شاعر، ادیب، نقاد اور استادِ سخن تھے جن کا اصل نام سید رضا علی تھا جبکہ “وحشتؔ” ان کا تخلص تھا۔ وہ 18 نومبر 1881ء ...
مکمل تعارف پڑھیں