کسی صورت سے اس محفل میں جا کر — وحشت رضا علی
شاعر
کسی صورت سے اس محفل میں جا کر
کسی صورت سے اس محفل میں جا کر
مقدر ہم بھی دیکھیں آزما کر
تغافل کیش میں نے ہی بنایا
اسے حال دل شیدا سنا کر
اٹھا لینے سے تو دل کے رہا میں
تو اب ظالم وفا کر یا جفا کر
ترے گلشن میں پہنچے کاش اک دن
نسیم آشنائی راہ پا کر
خوشی ان کو مبارک ہو الٰہی
وہ خوش ہیں خاک میں مجھ کو ملا کر
دہن ہے رشک سے غنچے کا پرخوں
کدھر دیکھا تھا تم نے مسکرا کر
وہ شرماتے ہیں سن کر وصل کا نام
رہا ہوں میں جو چپ تو بات پا کر
ہوا وہ بے وفائی میں مسلم
نشان تربت عاشق مٹا کر
گناہ اپنے مجھے یاد آئے وحشتؔ
خجل سا رہ گیا میں ہاتھ اٹھا کر
وحشتؔ رضا علی
Kisi soorat se is mahfil mein ja kar
Kisi soorat se is mahfil mein ja kar
Muqaddar hum bhi dekhein aazmaya kar
Taghaful kesh main ne hi banaya
Use haal-e-dil-e-shaida suna kar
Utha lene se to dil ke raha main
Tu ab zaalim wafa kar ya jafa kar
Tere gulshan mein pahunche kaash ek din
Naseem-e-aashnayi raah pa kar
Khushi un ko mubarak ho ilahi
Woh khush hain khaak mein mujh ko mila kar
Dahan hai rashk se ghunche ka pur-khoon
Kidhar dekha tha tum ne muskura kar
Woh sharmate hain sun kar vasl ka naam
Raha hoon main jo chup to baat pa kar
Hua woh be-wafayi mein musallam
Nishan-e-turbat-e-aashiq mita kar
Gunah apne mujhe yaad aaye Wahshat
Khajil sa reh gaya main haath utha kar
شاعر کے بارے میں
وحشت رضا علی کلکتوی اردو کے ممتاز شاعر، ادیب، نقاد اور استادِ سخن تھے جن کا اصل نام سید رضا علی تھا جبکہ “وحشتؔ” ان کا تخلص تھا۔ وہ 18 نومبر 1881ء ...
مکمل تعارف پڑھیں