لوٹا مجھے اس کی ہر ادا نے — وحشت رضا علی
شاعر
لوٹا مجھے اس کی ہر ادا نے
لوٹا مجھے اس کی ہر ادا نے
انداز نے ناز نے حیا نے
دونوں نے کیا ہے مجھ کو رسوا
کچھ درد نے اور کچھ دوا نے
بے جا ہے تری جفا کا شکوہ
مارا مجھ کو مری وفا نے
پوشیدہ نہیں تمہاری چالیں
کچھ مجھ سے کہا ہے نقش پا نے
کیوں جور کشان آسماں سے
منہ پھیر لیا تری جفا نے
دل کو مایوس کر دیا ہے
بیگانہ مزاج آشنا نے
دونوں نے بڑھائی رونق حسن
شوخی نے کبھی کبھی حیا نے
خوش پاتے ہیں مجھ کو دوست وحشتؔ
دل کا احوال کون جانے
وحشتؔ رضا علی
Loota mujhe us ki har ada ne
Loota mujhe us ki har ada ne
Andaaz ne naaz ne haya ne
Dono ne kiya hai mujh ko ruswa
Kuch dard ne aur kuch dawa ne
Be-ja hai teri jafa ka shikwa
Mara mujh ko meri wafa ne
Poshida nahin tumhari chalen
Kuch mujh se kaha hai naqsh-e-pa ne
Kyun jaur-kashaan aasman se
Munh pher liya teri jafa ne
Dil ko mayus kar diya hai
Begana mizaj-e-aashna ne
Dono ne badhai raunaq-e-husn
Shokhi ne kabhi kabhi haya ne
Khush pate hain mujh ko dost Wahshat
Dil ka ahwal kaun jaane
شاعر کے بارے میں
وحشت رضا علی کلکتوی اردو کے ممتاز شاعر، ادیب، نقاد اور استادِ سخن تھے جن کا اصل نام سید رضا علی تھا جبکہ “وحشتؔ” ان کا تخلص تھا۔ وہ 18 نومبر 1881ء ...
مکمل تعارف پڑھیں