لطف نہاں سے جب جب وہ مسکرا دئیے ہیں — وحشت رضا علی
شاعر
لطف نہاں سے جب جب وہ مسکرا دئیے ہیں
لطف نہاں سے جب جب وہ مسکرا دئیے ہیں
میں نے بھی زخم دل کے ان کو دکھا دئیے ہیں
کچھ حرف آرزو تھا کچھ یاد عیش رفتہ
جتنے تھے نقش دل میں ہم نے مٹا دیئے ہیں
فرط غم و الم سے جب دل ہوا ہے گریاں
اس نے عنایتوں کے دریا بہا دیئے ہیں
دیکھے ہیں تیرے تیور دھوکا نہ کھائیں گے اب
اٹھتے تھے ولولے کچھ ہم نے دبا دیئے ہیں
اس دل نشیں ادا کا مطلب کبھی نہ سمجھے
جب ہم نے کچھ کہا ہے وہ مسکرا دیئے ہیں
شوخ کر دیا ہے چھڑیوں سے ہم نے تم کو
کچھ حوصلے ہمارے تم نے بڑھا دیئے ہیں
کوئی تجھ کو دیکھے پردہ اٹھانے والے
تو نے تجلیوں کے پردے گرا دیئے ہیں
کرتا ہوں وحشتؔ ان سے عرض نیاز پنہاں
اس کام کے طریقے دل نے بتا دیئے ہیں
وحشتؔ رضا علی
Lutf-e-nihan se jab jab woh muskura diye hain
Lutf-e-nihan se jab jab woh muskura diye hain
Maine bhi zakhm-e-dil ke un ko dikha diye hain
Kuchh harf-e-arzoo tha kuchh yaad-e-aish-e-rafta
Jitne the naqsh-e-dil mein hum ne mita diye hain
Fart-e-gham-o-alam se jab dil hua hai giryan
Us ne inayatton ke darya baha diye hain
Dekhe hain tere tevar dhoka na khayenge ab
Uthte the walwale kuchh hum ne daba diye hain
Is dil-nasheen ada ka matlab kabhi na samjhe
Jab hum ne kuchh kaha hai woh muskura diye hain
Shokh kar diya hai chhediyon se hum ne tum ko
Kuchh hausle hamare tum ne badha diye hain
Koi tujh ko dekhe parda uthane wale
Tu ne tajalliyon ke parde gira diye hain
Karta hoon Wahshatؔ un se arz-e-niyaz-e-pinhan
Is kaam ke tareeqe dil ne bata diye hain
شاعر کے بارے میں
وحشت رضا علی کلکتوی اردو کے ممتاز شاعر، ادیب، نقاد اور استادِ سخن تھے جن کا اصل نام سید رضا علی تھا جبکہ “وحشتؔ” ان کا تخلص تھا۔ وہ 18 نومبر 1881ء ...
مکمل تعارف پڑھیں