مروت کا پاس اور وفا کا لحاظ — وحشت رضا علی
شاعر
مروت کا پاس اور وفا کا لحاظ
مروت کا پاس اور وفا کا لحاظ
کرے آشنا آشنا کا لحاظ
دم سجدہ سر سخت تھا بے ادب
کیا کچھ نہ اس نقش پا کا لحاظ
نہ محروم رکھ مجھ کو حسن قبول
رہے کچھ تو دست دعا کا لحاظ
وہ ہیں پاس اب بس کر اے درد دل
کرے کچھ مرض بھی دوا کا لحاظ
ملائی نہ وحشتؔ کبھی اس سے آنکھ
مجھے تھا جو اس کی حیا کا لحاظ
وحشتؔ رضا علی
Murawwat ka paas aur wafa ka lihaaz
Murawwat ka paas aur wafa ka lihaaz
Kare aashna aashna ka lihaaz
Dam-e-sajda sar sakht tha be-adab
Kiya kuchh na us naqsh-e-pa ka lihaaz
Na mahroom rakh mujh ko husn-e-qubool
Rahe kuchh to dast-e-dua ka lihaaz
Woh hain paas ab bas kar ae dard-e-dil
Kare kuchh maraz bhi dawa ka lihaaz
Milayi na Wahshat kabhi us se aankh
Mujhe tha jo us ki haya ka lihaaz
شاعر کے بارے میں
وحشت رضا علی کلکتوی اردو کے ممتاز شاعر، ادیب، نقاد اور استادِ سخن تھے جن کا اصل نام سید رضا علی تھا جبکہ “وحشتؔ” ان کا تخلص تھا۔ وہ 18 نومبر 1881ء ...
مکمل تعارف پڑھیں