نہیں ممکن لب عاشق سے حرف مدعا نکلے — وحشت رضا علی
شاعر
نہیں ممکن لب عاشق سے حرف مدعا نکلے
نہیں ممکن لب عاشق سے حرف مدعا نکلے
جسے تم نے کیا خاموش اس سے کیا صدا نکلے
قیامت اک بپا ہے سینۂ مجروح الفت میں
نہ تیر دلنشیں نکلے نہ جان مبتلا نکلے
تمہارے خوگر بیداد کو کیا لطف کی حاجت
وفا ایسی نہ کرنا تم جو آخر کو جفا نکلے
گماں تھا کام دل اغیار تم سے پاتے ہیں لیکن
ہماری طرح وہ بھی کشتۂ تیغ جفا نکلے
زبردستی غزل کہنے پہ تم آمادہ ہو وحشتؔ
طبیعت جب نہ ہو حاضر تو پھر مضمون کیا نکلے
وحشتؔ رضا علی
Nahin mumkin lab-e-aashiq se harf-e-muddaa nikle
Nahin mumkin lab-e-aashiq se harf-e-muddaa nikle
Jise tum ne kiya khamosh us se kya sada nikle
Qayamat ek bapa hai sina-e-majrooh-e-ulfat mein
Na teer-e-dilnasheen nikle na jaan-e-mubtala nikle
Tumhare khugar-e-bedaad ko kya lutf ki haajat
Wafa aisi na karna tum jo aakhir ko jafa nikle
Gumaan tha kaam-e-dil aghyaar tum se pate hain lekin
Hamari tarah wo bhi kushta-e-tegh-e-jafa nikle
Zabardasti ghazal kehne pe tum aamada ho Wahshat!
Tabiyat jab na ho hazir to phir mazmoon kya nikle
شاعر کے بارے میں
وحشت رضا علی کلکتوی اردو کے ممتاز شاعر، ادیب، نقاد اور استادِ سخن تھے جن کا اصل نام سید رضا علی تھا جبکہ “وحشتؔ” ان کا تخلص تھا۔ وہ 18 نومبر 1881ء ...
مکمل تعارف پڑھیں