نالوں سے اگر میں نے کبھی کام لیا ہے — وحشت رضا علی
شاعر
نالوں سے اگر میں نے کبھی کام لیا ہے
نالوں سے اگر میں نے کبھی کام لیا ہے
خود ہی اثر نالہ سے دل تھام لیا ہے
آزادئ اندوہ فزا سے ہے رہائی
اب میں نے کچھ آرام تہ دام لیا ہے
اٹھتی تھیں امنگیں انہیں بڑھنے نہ دیا پھر
میں نے دل ناکام سے اک کام لیا ہے
جز مشغلۂ نالہ و فریاد نہ تھا کچھ
جو کام کہ دل سے سحر و شام لیا ہے
خود پوچھ لو تم اپنی نگاہوں سے وہ کیا تھا
جو تم نے دیا میں نے وہ پیغام لیا ہے
تھا تیرا اشارا کہ نہ تھا میں نے دیا دل
اور اپنے ہی سر جرم کا الزام لیا ہے
غم کیسے غلط کرتے جدائی میں تری ہم
ڈھونڈا ہے تجھے ہاتھ میں جب جام لیا ہے
آرام کے اب نام سے میں ڈرنے لگا ہوں
تکلیف اٹھائی ہے جب آرام لیا ہے
معلوم نہیں خوب ہے جو واقف فن ہیں
وحشتؔ نے محاکات سے کیا کام لیا ہے
وحشتؔ رضا علی
Nalon se agar maine kabhi kaam liya hai
Nalon se agar maine kabhi kaam liya hai
Khud hi asar-e-nala se dil thaam liya hai
Azadi-e-andoh-faza se hai rihai
Ab maine kuchh aram teh-e-dam liya hai
Uthti thin umangen unhein badhne na diya phir
Maine dil-e-nakaam se ek kaam liya hai
Juz mashghala-e-nala-o-faryaad na tha kuchh
Jo kaam ke dil se sahar-o-sham liya hai
Khud poochh lo tum apni nigahon se woh kya tha
Jo tum ne diya maine woh paigham liya hai
Tha tera ishara ke na tha maine diya dil
Aur apne hi sar jurm ka ilzaam liya hai
Gham kaise ghalat karte judai mein teri hum
Dhoonda hai tujhe hath mein jab jaam liya hai
Aram ke ab naam se main darne laga hoon
Takleef uthayi hai jab aram liya hai
Maloom nahin khoob hai jo waqif-e-fan hain
Wahshatؔ ne muhakat se kya kaam liya hai
شاعر کے بارے میں
وحشت رضا علی کلکتوی اردو کے ممتاز شاعر، ادیب، نقاد اور استادِ سخن تھے جن کا اصل نام سید رضا علی تھا جبکہ “وحشتؔ” ان کا تخلص تھا۔ وہ 18 نومبر 1881ء ...
مکمل تعارف پڑھیں