پیمان وفائے یار ہیں ہم — وحشت رضا علی
شاعر
پیمان وفائے یار ہیں ہم
پیمان وفائے یار ہیں ہم
یعنی ناپائیدار ہیں ہم
خاک سر رہ گزار ہیں ہم
پامال جفائے یار ہیں ہم
نومیدی و یاس چار سو ہے
اف کس کے امیدوار ہیں ہم
کس دشمن جاں کی آرزو ہے
جو موت کے خواست گار ہیں ہم
تو ہم سے ہے بد گماں صد افسوس
تیرے ہی تو جاں نثار ہیں ہم
وحشتؔ خاموش جل رہے ہیں
گویا شمع مزار ہیں ہم
وحشتؔ رضا علی
Paiman-e-wafa-e-yar hain hum
Paiman-e-wafa-e-yar hain hum
Yaani na-paedar hain hum
Khaak-e-sar-e-reh-guzar hain hum
Pamaal-e-jafa-e-yar hain hum
Naumidi-o-yaas char su hai
Uff kis ke ummeedwar hain hum
Kis dushman-e-jaan ki arzoo hai
Jo maut ke khwastgar hain hum
Tu hum se hai bad-guman sad afsos
Tere hi to jan-nisar hain hum
Wahshatؔ khamosh jal rahe hain
Goya shama-e-mazar hain hum
شاعر کے بارے میں
وحشت رضا علی کلکتوی اردو کے ممتاز شاعر، ادیب، نقاد اور استادِ سخن تھے جن کا اصل نام سید رضا علی تھا جبکہ “وحشتؔ” ان کا تخلص تھا۔ وہ 18 نومبر 1881ء ...
مکمل تعارف پڑھیں