پوشیدہ دیکھتی ہے کسی کی نظر مجھے — وحشت رضا علی
شاعر
پوشیدہ دیکھتی ہے کسی کی نظر مجھے
پوشیدہ دیکھتی ہے کسی کی نظر مجھے
دیکھ اے نگاہ شوق تو رسوا نہ کر مجھے
مقصد سے بے نیاز رہا ذوق جستجو
میں بے خبر ہوا جو ہوئی کچھ خبر مجھے
میں شب کی بزم عیش کا ماتم نشیں ہوں آپ
رو رو کے کیوں رلاتی ہے شمع سحر مجھے
حیرت نے میری آئینہ ان کو بنا دیا
کیا دیکھتے کہ رہ گئے وہ دیکھ کر مجھے
قربان جاؤں چھوڑ تکلف کی گفتگو
کہہ کر پکار وحشتؔ شوریدہ سر مجھے
وحشتؔ رضا علی
Poshida dekhti hai kisi ki nazar mujhe
Poshida dekhti hai kisi ki nazar mujhe
Dekh ae nigaah-e-shauq tu ruswa na kar mujhe
Maqsad se be-niyaaz raha zauq-e-justuju
Main be-khabar hua jo hui kuchh khabar mujhe
Main shab ki bazm-e-aish ka maatam nasheen hoon aap
Ro ro ke kyun rulati hai shama-e-sahar mujhe
Hairat ne meri aaina un ko bana diya
Kya dekhte ke reh gaye woh dekh kar mujhe
Qurbaan jaaun chhor takalluf ki guftugu
Keh kar pukar Wahshat shorida-sar mujhe
شاعر کے بارے میں
وحشت رضا علی کلکتوی اردو کے ممتاز شاعر، ادیب، نقاد اور استادِ سخن تھے جن کا اصل نام سید رضا علی تھا جبکہ “وحشتؔ” ان کا تخلص تھا۔ وہ 18 نومبر 1881ء ...
مکمل تعارف پڑھیں