شوق دیتا ہے مجھے پیغام عشق — وحشت رضا علی
شاعر
شوق دیتا ہے مجھے پیغام عشق
شوق دیتا ہے مجھے پیغام عشق
ہاتھ میں لبریز لے کر جام عشق
آپ ہوں ذوق اسیری سے خراب
کوئی لے جائے مجھے تا دام عشق
اشتیاق سجدہ سے بیتاب ہوں
اے حریم کعبۂ اسلام عشق
قیس و وامق سے کہاں اب اہل دل
تھا انہیں لوگوں سے روشن نام عشق
نعش پر فرہاد کے شیریں گئی
وہ ستم پروردۂ آلام عشق
اور یوں کرنے لگی رو کر خطاب
اے وفا کی جان اے ناکام عشق
تجھ سے رونق آشنا ہے صبح شوق
تجھ سے زینت آفریں ہے شام عشق
جان دے کر تو تو چھوٹا رنج سے
رہ گئی میں ہی بلا آشام عشق
تیرا مرنا عشق کا آغاز تھا
موت پر ہوگا مرے انجام عشق
وحشتؔ وحشی کہ تھا سب سے الگ
ہو گیا کیا بے تکلف رام عشق
وحشتؔ رضا علی
Shauq deta hai mujhe paigham-e-ishq
Shauq deta hai mujhe paigham-e-ishq
Haath mein labrez le kar jaam-e-ishq
Aap hoon zauq-e-aseeri se kharab
Koi le jaaye mujhe ta daam-e-ishq
Ishtiaq-e-sajda se betaab hoon
Ae Hareem-e-Kaaba-e-Islam-e-Ishq
Qais-o-Wamiq se kahan ab ahl-e-dil
Tha unheen logon se roshan naam-e-ishq
Na'sh par Farhad ke Shireen gai
Wo sitam parwarda aalaam-e-ishq
Aur yoon karne lagi ro kar khitaab
Ae wafa ki jaan, ae nakaam-e-ishq
Tujh se raunaq aashna hai subh-e-shauq
Tujh se zeenat aafreen hai shaam-e-ishq
Jaan de kar tu to chhoota ranj se
Reh gai main hi bala aasham-e-ishq
Tera marna ishq ka aaghaaz tha
Maut par hoga mere anjaam-e-ishq
Wahshat! wahshi ke tha sab se alag
Ho gaya kya be-takalluf raam-e-ishq
شاعر کے بارے میں
وحشت رضا علی کلکتوی اردو کے ممتاز شاعر، ادیب، نقاد اور استادِ سخن تھے جن کا اصل نام سید رضا علی تھا جبکہ “وحشتؔ” ان کا تخلص تھا۔ وہ 18 نومبر 1881ء ...
مکمل تعارف پڑھیں