شوق نے عشرت کا ساماں کر دیا — وحشت رضا علی
شاعر
شوق نے عشرت کا ساماں کر دیا
شوق نے عشرت کا ساماں کر دیا
دل کو محو روئے جاناں کر دیا
تو نے اے جمعیت دل کی ہوس
اور بھی مجھ کو پریشاں کر دیا
واہ رے زخم محبت کی خلش
جس کو دل نے راحت جاں کر دیا
خود نمائی خود فروشی ہو گئی
آپ نے اپنے کو ارزاں کر دیا
ان کے دامن تک نہ پہنچا دست شوق
اس کو مصروف گریباں کر دیا
بزم میں جب غیر پر ڈالی نظر
آپ نے مجھ پر بھی احساں کر دیا
کچھ بڑھا کر میں نے بہر شرح غم
چاک کو عنوان داماں کر دیا
جھک گئی آخر حیا سے ان کی آنکھ
شوق نے مجھ کو پشیماں کر دیا
پائے بت پر میں نے دو سجدے کئے
کفر کو بھی جزو ایماں کر دیا
اسے خیال لیلیٰ مجنوں نواز
تو نے صحرا کو گلستاں کر دیا
ہو کے زائل قوت احساس نے
مشکلوں کو میری آساں کر دیا
دل نہیں جاتا تھا سوئے راہ دیر
کیسے کافر کو مسلماں کر دیا
تو نے وحشتؔ کیوں خلاف رسم عشق
درد کو رسوائے درماں کر دیا
وحشتؔ رضا علی
Shauq ne ishrat ka samaan kar diya
Shauq ne ishrat ka samaan kar diya
Dil ko mahv-e-ro'ay-e-jaanan kar diya
Tu ne ai jamiyat-e-dil ki havas
Aur bhi mujh ko pareshan kar diya
Wah re zakhm-e-mohabbat ki khalish
Jis ko dil ne rahat-e-jaan kar diya
Khud-numayi khud-faroshi ho gayi
Aap ne apne ko arzan kar diya
Un ke daman tak na pahuncha dast-e-shauq
Is ko masroof-e-gireban kar diya
Bazm mein jab ghair par dali nazar
Aap ne mujh par bhi ehsan kar diya
Kuchh badha kar maine ba-har-e-sharah-e-gham
Chak ko unwan-e-daman kar diya
Jhuk gayi aakhir haya se un ki aankh
Shauq ne mujh ko pasheman kar diya
Paye but par maine do sajde kiye
Kufr ko bhi juzv-e-iman kar diya
Aise khayal-e-Laila Majnoon-nawaz
Tu ne sahra ko gulistan kar diya
Ho ke zaael quwwat-e-ehsas ne
Mushkilon ko meri asaan kar diya
Dil nahin jata tha su-e-rah-e-dair
Kaise kafir ko Musalman kar diya
Tu ne Wahshatؔ kyon khilaf-e-rasm-e-ishq
Dard ko ruswa-e-darmaan kar diya
شاعر کے بارے میں
وحشت رضا علی کلکتوی اردو کے ممتاز شاعر، ادیب، نقاد اور استادِ سخن تھے جن کا اصل نام سید رضا علی تھا جبکہ “وحشتؔ” ان کا تخلص تھا۔ وہ 18 نومبر 1881ء ...
مکمل تعارف پڑھیں