سرور افزا ہوئی آخر شراب آہستہ آہستہ — وحشت رضا علی
شاعر
سرور افزا ہوئی آخر شراب آہستہ آہستہ
سرور افزا ہوئی آخر شراب آہستہ آہستہ
ہوا وہ بزم مے میں بے حجاب آہستہ آہستہ
رخ روشن سے یوں اٹھی نقاب آہستہ آہستہ
کہ جیسے ہو طلوع آفتاب آہستہ آہستہ
کیا جب شوق نے اس سے خطاب آہستہ آہستہ
حیا نے بھی دیا آخر جواب آہستہ آہستہ
وہ مستی خیز نظریں رفتہ رفتہ لے اڑیں مجھ کو
کیا کاشانۂ دل کو خراب آہستہ آہستہ
بڑھا ہنگامۂ شوق اس قدر بزم حریفاں میں
کہ رخصت ہو گیا اس کا حجاب آہستہ آہستہ
کیا کامل ہمیں اک عمر میں سوز محبت نے
ہوئے ہم آتش غم سے کباب آہستہ آہستہ
عبث تھا ضبط کا دعویٰ ستم اس کے ستم نکلے
نگاہیں ہو گئیں آخر پر آب آہستہ آہستہ
دبستان وفا میں عمر بھر کی صفحہ گردانی
سمجھ میں آئی الفت کی کتاب آہستہ آہستہ
بقدر شوق اسے تاب طپیدہ تھی کہاں قاتل
کیا بسمل نے تیرے اضطراب آہستہ آہستہ
بلا ہیں شاہدان شہر وحشتؔ مے پرستی میں
ہوا میں ان کی صحبت میں خراب آہستہ آہستہ
وحشتؔ رضا علی
Suroor afza hui aakhir sharaab aahista aahista
Suroor afza hui aakhir sharaab aahista aahista
Hua woh bazm-e-may mein be-hijab aahista aahista
Rukh-e-roshan se yoon uthi naqaab aahista aahista
Ke jaise ho talu-e-aaftab aahista aahista
Kiya jab shauq ne us se khitaab aahista aahista
Haya ne bhi diya aakhir jawaab aahista aahista
Woh masti khez nazrein rafta rafta le uden mujh ko
Kiya kaashana-e-dil ko kharaab aahista aahista
Barha hangama-e-shauq is qadar bazm-e-hareefaan mein
Ke rukhsat ho gaya us ka hijaab aahista aahista
Kiya kaamil hamein ek umar mein soz-e-mohabbat ne
Hue hum aatish-e-gham se kabab aahista aahista
Abas tha zabt ka daawa sitam us ke sitam nikle
Nigahein ho gayin aakhir pur-aab aahista aahista
Dabistaan-e-wafa mein umar bhar ki safha gardani
Samajh mein aayi ulfat ki kitaab aahista aahista
Ba-qadar-e-shauq use taab-e-tapeeda thi kahan qaatil
Kiya bismil ne tere iztiraab aahista aahista
Bala hain shaahidan-e-shehr Wahshat mai parasti mein
Hua main un ki sohbat mein kharaab aahista aahista
شاعر کے بارے میں
وحشت رضا علی کلکتوی اردو کے ممتاز شاعر، ادیب، نقاد اور استادِ سخن تھے جن کا اصل نام سید رضا علی تھا جبکہ “وحشتؔ” ان کا تخلص تھا۔ وہ 18 نومبر 1881ء ...
مکمل تعارف پڑھیں