تلخی کش نومیدئ دیدار بہت ہیں — وحشت رضا علی
شاعر
تلخی کش نومیدئ دیدار بہت ہیں
تلخی کش نومیدئ دیدار بہت ہیں
اس نرگس بیمار کے بیمار بہت ہیں
عالم پہ ہے چھایا ہوا اک یاس کا عالم
یعنی کہ تمنا کے گرفتار بہت ہیں
اک وصل کی تدبیر ہے اک ہجر میں جینا
جو کام کہ کرنے ہیں وہ دشوار بہت ہیں
وہ تیرا خریدار قدیم آج کہاں ہے
یہ سچ ہے کہ اب تیرے خریدار بہت ہیں
محنت ہو مصیبت ہو ستم ہو تو مزا ہے
ملنا ترا آساں ہے طلب گار بہت ہیں
عشاق کی پرواہ نہیں خود تجھ کو وگرنہ
جی تجھ پہ فدا کرنے کو تیار بہت ہیں
وحشتؔ سخن و لطف سخن اور ہی شے ہے
دیوان میں یاروں کے تو اشعار بہت ہیں
وحشتؔ رضا علی
Talkhi-e-kash naumeedi-e-didaar bahut hain
Talkhi-e-kash naumeedi-e-didaar bahut hain
Is nargis-e-bimar ke bimar bahut hain
Aalam pe hai chhaya hua ek yaas ka aalam
Ya'ni ke tamanna ke giraftaar bahut hain
Ek wasl ki tadbeer hai ek hijr mein jeena
Jo kaam ke karne hain wo dushwaar bahut hain
Wo tera khareedar-e-qadeem aaj kahan hai
Ye sach hai ke ab tere khareedar bahut hain
Mehnat ho, museebat ho, sitam ho to maza hai
Milna tera aasaan hai talabgaar bahut hain
Ushshaq ki parwah nahin khud tujh ko wagarna
Jee tujh pe fida karne ko tayyar bahut hain
Wahshat! sukhan-o-lutf-e-sukhan aur hi shai hai
Deevan mein yaaron ke to ash'aar bahut hain
شاعر کے بارے میں
وحشت رضا علی کلکتوی اردو کے ممتاز شاعر، ادیب، نقاد اور استادِ سخن تھے جن کا اصل نام سید رضا علی تھا جبکہ “وحشتؔ” ان کا تخلص تھا۔ وہ 18 نومبر 1881ء ...
مکمل تعارف پڑھیں