ترے آشفتہ سے کیا حال بیتابی بیاں ہوگا — وحشت رضا علی
شاعر
ترے آشفتہ سے کیا حال بیتابی بیاں ہوگا
ترے آشفتہ سے کیا حال بیتابی بیاں ہوگا
جبین شوق ہوگی اور تیرا آستاں ہوگا
زبان شمع محفل سے سنا ہے اہل محمل نے
ترا انجام کیا پروانۂ آتش بجاں ہوگا
تلاطم ہے امیدوں کا تصادم آرزوؤں کا
دل ہنگامہ پرور کون تیرا راز داں ہوگا
رہیں یوں ہی اگر رنگینیاں طرز تبسم کی
مرے زخم جگر پر خندۂ گل کا گماں ہوگا
تجمل سے گزر ہوگا ترے کوچے میں عاشق کا
تمناؤں کا لشکر کارواں در کارواں ہوگا
کبھی توفیق ترک ماسوا کی ہو ہی جائے گی
دل آزاد ہوگا اور عیش جاوداں ہوگا
سرور افزا و مستی خیز و شورش آفریں ہوگی
وہ بزم شعر جس میں وحشتؔ شیوا بیاں ہوگا
وحشتؔ رضا علی
Tere aashufta se kya haal-e-betaabi bayaan hoga
Tere aashufta se kya haal-e-betaabi bayaan hoga
Jabeen-e-shauq hogi aur tera aastaan hoga
Zabaan-e-shama-e-mahfil se suna hai ahl-e-mahfil ne
Tera anjaam kya parwana-e-aatish bajaan hoga
Talaatum hai ummeedon ka, tasadum aarzuon ka
Dil-e-hangama parwar kaun tera raaz-daan hoga
Rahen yoon hi agar ranginiyaan tarz-e-tabassum ki
Mere zakhm-e-jigar par khanda-e-gul ka gumaan hoga
Tajammul se guzar hoga tere kuche mein aashiq ka
Tamannaon ka lashkar karwaan dar karwaan hoga
Kabhi taufeeq-e-tark-e-ma-siwa ki ho hi jayegi
Dil aazaad hoga aur aish-e-jaawdaan hoga
Suroor afza o masti khez o shorish aafreen hogi
Woh bazm-e-sher jis mein Wahshat shewa bayaan hoga
شاعر کے بارے میں
وحشت رضا علی کلکتوی اردو کے ممتاز شاعر، ادیب، نقاد اور استادِ سخن تھے جن کا اصل نام سید رضا علی تھا جبکہ “وحشتؔ” ان کا تخلص تھا۔ وہ 18 نومبر 1881ء ...
مکمل تعارف پڑھیں