تو ہے اور عیش ہے اور انجمن آرائی ہے — وحشت رضا علی
شاعر
تو ہے اور عیش ہے اور انجمن آرائی ہے
تو ہے اور عیش ہے اور انجمن آرائی ہے
میں ہوں اور رنج ہے اور گوشۂ تنہائی ہے
سچ کہا ہے کہ بہ امید ہے دنیا قائم
دل حسرت زدہ بھی تیرا تمنائی ہے
دل کی فریاد جو سنتا ہوں تو رو دیتا ہوں
چوٹ کمبخت نے کچھ ایسی ہی تو کھائی ہے
بے نیازی کی ادائیں وہ دکھاتے ہیں بہت
خوئے تسلیم مری ان کو پسند آئی ہے
زلف برہم مژہ برگشتہ جبیں چین آلود
میری بگڑی ہوئی تقدیر کی بن آئی ہے
ادب آموز بلا کا ہے تغافل ان کا
شوق پر حوصلہ نے خوب سزا پائی ہے
کہے دیتا ہوں کسی اور کی جانب تو نہ دیکھ
کیا یہ کچھ کم ہے کہ وحشتؔ ترا سودائی ہے
وحشتؔ رضا علی
Tu hai aur aish hai aur anjuman-arai hai
Tu hai aur aish hai aur anjuman-arai hai
Main hoon aur ranj hai aur gosha-e-tanhai hai
Sach kaha hai ke ba-ummeed hai duniya qaem
Dil hasrat-zada bhi tera tamannai hai
Dil ki fariyad jo sunta hoon to ro deta hoon
Chot kambakht ne kuchh aisi hi to khayi hai
Be-niyazi ki ada'en woh dikhate hain bahut
Kho-e-tasleem meri un ko pasand aayi hai
Zulf barham mizha bargashta jabeen cheen-alood
Meri bigdi hui taqdeer ki ban aayi hai
Adab aamoz bala ka hai taghaful un ka
Shauq par hausla ne khoob saza paayi hai
Kahe deta hoon kisi aur ki janib tu na dekh
Kya ye kuchh kam hai ke Wahshatؔ tera saudai hai
شاعر کے بارے میں
وحشت رضا علی کلکتوی اردو کے ممتاز شاعر، ادیب، نقاد اور استادِ سخن تھے جن کا اصل نام سید رضا علی تھا جبکہ “وحشتؔ” ان کا تخلص تھا۔ وہ 18 نومبر 1881ء ...
مکمل تعارف پڑھیں