وفائے دوستاں کیسی جفائے دشمناں کیسی — وحشت رضا علی
شاعر
وفائے دوستاں کیسی جفائے دشمناں کیسی
وفائے دوستاں کیسی جفائے دشمناں کیسی
نہ پوچھا ہو کسی نے جس کو اس کی داستاں کیسی
کچھ ایسا احترام درد الفت ہے مرے دل کو
خموشی حکمراں ہے آہ و فریاد و فغاں کیسی
کسی کو فکر آزادی نہیں اس قید رنگیں سے
دل عالم پہ ہے چھائی ہوئی مہر بتاں کیسی
بھلا ہی دیتے ہیں اس کو جو گزرا بزم عالم سے
ہے سب کو اپنی اپنی فکر یاد رفتگاں کیسی
تمہارا مدعا ہی جب سمجھ میں کچھ نہیں آیا
تو پھر مجھ پر نظر ڈالی یہ تم نے مہرباں کیسی
ابھی ہوتے اگر دنیا میں داغؔ دہلوی زندہ
تو وہ سب کو بتا دیتے ہے وحشتؔ کی زباں کیسی
وحشتؔ رضا علی
Wafa-e-dostaan kaisi jafa-e-dushmanaan kaisi
Wafa-e-dostaan kaisi jafa-e-dushmanaan kaisi
Na poochha ho kisi ne jis ko us ki daastaan kaisi
Kuchh aisa ehtiraam-e-dard-e-ulfat hai mere dil ko
Khamoshi hukmraan hai aah-o-faryaad-o-fughaan kaisi
Kisi ko fikr-e-aazadi nahin is qaid-e-rangeen se
Dil-e-aalam pe hai chhayi hui mehr-e-butaan kaisi
Bhula hi dete hain us ko jo guzra bazm-e-aalam se
Hai sab ko apni apni fikr yaad-e-raftagaan kaisi
Tumhara muddaa hi jab samajh mein kuchh nahin aaya
To phir mujh par nazar daali yeh tum ne meherbaan kaisi
Abhi hote agar duniya mein Dagh Dehlvi zinda
To woh sab ko bata dete hai Wahshat ki zabaan kaisi
شاعر کے بارے میں
وحشت رضا علی کلکتوی اردو کے ممتاز شاعر، ادیب، نقاد اور استادِ سخن تھے جن کا اصل نام سید رضا علی تھا جبکہ “وحشتؔ” ان کا تخلص تھا۔ وہ 18 نومبر 1881ء ...
مکمل تعارف پڑھیں