یہاں ہر آنے والا بن کے عبرت کا نشاں آیا — وحشت رضا علی
شاعر
یہاں ہر آنے والا بن کے عبرت کا نشاں آیا
یہاں ہر آنے والا بن کے عبرت کا نشاں آیا
گیا زیر زمیں جو کوئی زیر آسماں آیا
نہ ہو گرم اس قدر اے شمع اس میں تیرا کیا بگڑا
اگر جلنے کو اک پروانۂ آتش بجاں آیا
خدا جانے ملا کیا مجھ کو جا کر ان کی محفل میں
کہ باصد نامرادی بھی وہاں سے شادماں آیا
جمایا رنگ اپنا میں نے مٹ کر تیرے کوچے میں
یقین عشق میرا اب تو تجھ کو بدگماں آیا
نہ ہو آزردہ تو آزردگی کا کون موقع ہے
اگر محفل میں تیری وحشتؔ آزردہ جاں آیا
وحشتؔ رضا علی
Yahan har aane wala ban ke ibrat ka nishan aaya
Yahan har aane wala ban ke ibrat ka nishan aaya
Gaya zer-e-zameen jo koi zer-e-asman aaya
Na ho garm is qadar ai shama is mein tera kya bigda
Agar jalne ko ik parwana aatish ba-jan aaya
Khuda jaane mila kya mujh ko ja kar un ki mahfil mein
Ke ba-sad namuradi bhi wahan se shadman aaya
Jamaya rang apna maine mit kar tere kuche mein
Yaqeen-e-ishq mera ab to tujh ko badguman aaya
Na ho aazurda tu aazurdagi ka kaun mauqa hai
Agar mahfil mein teri Wahshatؔ aazurda jan aaya
شاعر کے بارے میں
وحشت رضا علی کلکتوی اردو کے ممتاز شاعر، ادیب، نقاد اور استادِ سخن تھے جن کا اصل نام سید رضا علی تھا جبکہ “وحشتؔ” ان کا تخلص تھا۔ وہ 18 نومبر 1881ء ...
مکمل تعارف پڑھیں