یہی ہے عشق کی مشکل تو مشکل آساں ہے — وحشت رضا علی
شاعر
یہی ہے عشق کی مشکل تو مشکل آساں ہے
یہی ہے عشق کی مشکل تو مشکل آساں ہے
ملا ہے درد وہ دل کو جو راحت جاں ہے
تری نگاہ سمجھتی ہے یا نہیں دیکھوں
لب خموش میں کوئی سوال پنہاں ہے
مراد ذوق خرابی کی اب بر آئے گی
کہ دل کی تاک میں وہ چشم فتنہ ساماں ہے
فراغ حوصلگی پر جنوں کی شاہد ہے
وہ ایک چاک جو دامن سے تاگریباں ہے
یہ بے خودی ہے مرے عیش زندگی کی کفیل
نگاہ شوق ابھی محو روئے جاناں ہے
بلا کشوں کی دعا ہے کہ اے خدا نہ مٹے
جگر کا داغ کہ چشم و چراغ ہجراں ہے
ہوا ہے شوق سخن دل میں موج زن وحشتؔ
کہ ہم صفیر مرا رعب سا سخنداں ہے
وحشتؔ رضا علی
Yehi hai ishq ki mushkil to mushkil aasaan hai
Yehi hai ishq ki mushkil to mushkil aasaan hai
Mila hai dard woh dil ko jo rahat-e-jaan hai
Teri nigaah samjhti hai ya nahin dekhun
Lab-e-khamosh mein koi sawaal pinhaan hai
Muraad-e-zauq-e-kharabi ki ab bar aayegi
Ke dil ki taak mein woh chashm-e-fitna saamaan hai
Faragh-e-hauslagi par junoon ki shaahid hai
Woh ek chaak jo daaman se taa-girebaan hai
Yeh be-khudi hai mere aish-e-zindagi ki kafeel
Nigaah-e-shauq abhi mahv-e-ru-e-jaanaan hai
Bala kashon ki dua hai ke ae khuda na mite
Jigar ka daagh ke chashm-o-chiragh-e-hijraan hai
Hua hai shauq-e-sukhan dil mein mauj-zan Wahshat
Ke hum-safeer mera Ra'b sa sukhan-daan hai
شاعر کے بارے میں
وحشت رضا علی کلکتوی اردو کے ممتاز شاعر، ادیب، نقاد اور استادِ سخن تھے جن کا اصل نام سید رضا علی تھا جبکہ “وحشتؔ” ان کا تخلص تھا۔ وہ 18 نومبر 1881ء ...
مکمل تعارف پڑھیں