ضبط کی کوشش ہے جان ناتواں مشکل میں ہے — وحشت رضا علی
شاعر
ضبط کی کوشش ہے جان ناتواں مشکل میں ہے
ضبط کی کوشش ہے جان ناتواں مشکل میں ہے
کیوں عیاں ہو آنکھ سے وہ غم جو پنہاں دل میں ہے
جس سے چاہو پوچھ لو تم میرے سوز دل کا حال
شمع بھی محفل میں ہے پروانہ بھی محفل میں ہے
عشق غارت گر نے شہہ دی حسن آفت خیز کو
شوق بسمل ہی سے کس بل بازوئے قاتل میں ہے
کچھ سمجھ کر ہی ہوا ہوں موج دریا کا حریف
ورنہ میں بھی جانتا ہوں عافیت ساحل میں ہے
خود تجھے آ جائے گا عاشق نوازی کا خیال
تیرا رہرو کیوں خیال دوریٔ منزل میں ہے
مدعائے عشق میرا کچھ نہیں جز ذوق عشق
حسن کو حیرت کہ یہ کس سعیٔ بے حاصل میں ہے
اپنی شان بے نیازی پر تمہیں کیا کیا ہیں ناز
کاش تم اس شوق کو جانو جو میرے دل میں ہے
وحشتؔ رضا علی
Zabt ki koshish hai jaan-e-natawan mushkil mein hai
Zabt ki koshish hai jaan-e-natawan mushkil mein hai
Kyun ayaan ho aankh se woh gham jo pinhan dil mein hai
Jis se chaho poochh lo tum mere soz-e-dil ka haal
Shama bhi mehfil mein hai parwana bhi mehfil mein hai
Ishq-e-gharatgar ne shah di husn-e-aafat-khez ko
Shauq-e-bismil hi se kis bal bazu-e-qaatil mein hai
Kuch samajh kar hi hua hun mauj-e-darya ka harif
Warna main bhi jaanta hun aafiyat saahil mein hai
Khud tujhe aa jaayega aashiq nawazi ka khayal
Tera rahraw kyun khayal-e-doori-e-manzil mein hai
Mudda'a-e-ishq mera kuch nahin juz zauq-e-ishq
Husn ko hairat ke yeh kis sa'i-e-be-hasil mein hai
Apni shaan-e-be-niyazi par tumhein kya kya hain naaz
Kaash tum is shauq ko jaano jo mere dil mein hai
شاعر کے بارے میں
وحشت رضا علی کلکتوی اردو کے ممتاز شاعر، ادیب، نقاد اور استادِ سخن تھے جن کا اصل نام سید رضا علی تھا جبکہ “وحشتؔ” ان کا تخلص تھا۔ وہ 18 نومبر 1881ء ...
مکمل تعارف پڑھیں