زمیں روئی ہمارے حال پر اور آسماں رویا — وحشت رضا علی
شاعر
زمیں روئی ہمارے حال پر اور آسماں رویا
زمیں روئی ہمارے حال پر اور آسماں رویا
ہماری بیکسی کو دیکھ کر سارا جہاں رویا
میں جب نکلا چمن سے شبنم آسا گلستاں رویا
اداسی چھا گئی ایسی خود آخر باغباں رویا
نہ آیا رحم کچھ بھی آہ دل میں اس ستم گر کے
ہماری جبہہ سائی کے اثر سے آستاں رویا
ہر اک عضو بدن ماتم کناں ہے دل کے جانے سے
ہوا یوسف جو گم تو کارواں کا کارواں رویا
خلل افگن تری بزم طرب میں کون ہو ظالم
ہوا کیا گر ترے کوچے میں کوئی تفتۂ جاں رویا
مرے آنسو تری بیداد کا پردہ نہ کھولیں گے
عبث یہ بد گمانی ہے میں کب رویا کہاں رویا
عدو خوش ہوں تو ہوں اے بے مروت تیری محفل میں
مرا تو حال یہ ہے جب کبھی آیا یہاں رویا
جفائے دشمناں اور بے وفائی ہائے یاراں سے
بہت غم دیدہ ہو کر وحشتؔ آزردہ جاں رویا
وحشتؔ رضا علی
Zameen royi hamare haal par aur aasman roya
Zameen royi hamare haal par aur aasman roya
Hamari be-kasi ko dekh kar sara jahan roya
Main jab nikla chaman se shabnam aasa gulistan roya
Udasi chha gayi aisi khud aakhir baghban roya
Na aaya rehm kuch bhi aah dil mein us sitamgar ke
Hamari jabha sai ke asar se aastan roya
Har ek uzv badan matam kunaan hai dil ke jaane se
Hua Yusuf jo gum to karwan ka karwan roya
Khalal afgan teri bazm-e-tarab mein kaun ho zaalim
Hua kya gar tere kuche mein koi tafta jaan roya
Mere aansu teri bedaad ka parda na kholenge
Abas yeh bad-gumani hai main kab roya kahan roya
Adoo khush hon to hon aye be-muravvat teri mehfil mein
Mera to haal yeh hai jab kabhi aaya yahan roya
Jafa-e-dushmanaan aur bewafai haye yaran se
Bohat gham-deeda ho kar Wahshat aazurda jaan roya
شاعر کے بارے میں
وحشت رضا علی کلکتوی اردو کے ممتاز شاعر، ادیب، نقاد اور استادِ سخن تھے جن کا اصل نام سید رضا علی تھا جبکہ “وحشتؔ” ان کا تخلص تھا۔ وہ 18 نومبر 1881ء ...
مکمل تعارف پڑھیں