دوست مایوس نہ ہوسلسلے بنتے بگڑتے ہی رہے ہیں اکثر
تیری پلکوں پہ یہ اشکوں کے ستارے کیسےتجھ کو غم ہے تری محبوب تجھے مل نہ سکی
اور جو زیست تراشی تھی ترے خوابوں نےجب پڑی چوٹ حقائق کی تو وہ ٹوٹ گئی
تجھ کو معلوم ہے میں نے بھی محبت کی تھیاور انجام محبت بھی ہے معلوم تجھے
تجھ سے پہلے بھی بجھے ہیں یہاں لاکھوں ہی چراغتیری ناکامی نئی بات نہیں دوست میرے
کس نے پائی ہے غم زیست کی تلخی سے نجاتچار و ناچار یہ زہراب سبھی پیتے ہیں
جاں لٹا دینے کے فرسودہ فسانوں پہ نہ جاکون مرتا ہے محبت میں سبھی جیتے ہیں
وقت ہر زخم کو ہر غم کو مٹا دیتا ہےوقت کے ساتھ یہ صدمہ بھی گزر جائے گا
اور یہ باتیں جو دہرائی ہیں میں نے اس وقتتو بھی اک روز انہی باتوں کو دہرائے گا
دوست مایوس نہ ہو!سلسلے بنتے بگڑتے ہی رہے ہیں اکثر
— احمد راہی
Dost mayoos na hoSilsilay bante bigadte hi rahe hain aksar
Teri palkon pe yeh ashkon ke sitare kaiseTujh ko gham hai teri mahboob tujhe mil na saki
Aur jo zeest tarashi thi tere khwabon neJab padi chot haqaiq ki to woh toot gayi
Tujh ko maloom hai main ne bhi muhabbat ki thiAur anjam-e-muhabbat bhi hai maloom tujhe
Tujh se pehle bhi bujhe hain yahan lakhon hi chiraghTeri nakami nayi baat nahin dost mere
Kis ne payi hai gham-e-zeest ki talkhi se najatChar-o-nachar yeh zahrab sabhi peete hain
Jaan luta dene ke farsoodah fasanon pe na jaKaun marta hai muhabbat mein sabhi jeete hain
Waqt har zakhm ko har gham ko mita deta haiWaqt ke sath yeh sadmah bhi guzar jaye ga
Aur yeh baatein jo dohrai hain main ne is waqtToo bhi ek roz inhi baaton ko dohraye ga
Dost mayoos na ho!Silsilay bante bigadte hi rahe hain aksar
فرہنگ
تشریح
یہ نظم ایک دوست کو غم اور ناکام محبت کے صدمے سے سنبھالنے کی کوشش ہے۔ شاعر دوست کو یاد دلاتا ہے کہ محبت میں ناکامی کوئی نئی بات نہیں اور زندگی کی تلخی سے کوئی بچ نہیں پاتا۔ لہجہ ہمدردانہ اور تسلی دینے والا ہے۔ نظم کا یہ مصرع کہ وقت ہر زخم کو مٹا دیتا ہے، امید دلاتا ہے کہ یہ صدمہ بھی گزر جائے گا۔ آخر میں شاعر دوست کو بار بار یہ کہہ کر حوصلہ دیتا ہے کہ مایوس نہ ہو۔