ایک عمر ہوتی ہےجس میں کوئی لڑکا ہو
یا وہ کوئی لڑکی ہوسوچتے ہیں دونوں ہی
ہم ہی حرف اول ہیںاس جہان کہنہ کو
اپنی فکر نو سے ہماک لگن کی لو سے ہم
جس طرح کا چاہیں گےویسا ہی بنا لیں گے
پتھروں کو مر مر کےپیکروں میں ڈھالیں گے
ایک عمر ہوتی ہےجس میں کوئی لڑکا ہو
یا کوئی لڑکی ہوسوچتے ہیں دونوں ہی
کتنے عزم تھے اپنےنذر خاک ہیں سارے
بات دامنوں کی کیاچاک چاک دل بھی ہیں
ہم کہ حرف اول تھےحرف آخریں بھی نہیں
ہم کہ آسماں سے تھےذرۂ زمیں بھی نہیں
ایک عمر ہوتی ہےخواہشوں کی جذبوں کی
ایک عمر ہوتی ہےکاہشوں کی صدموں کی
— احمد راہی
Ek umar hoti haiJis mein koi ladka ho
Ya woh koi ladki hoSochte hain dono hi
Hum hi harf-e-awwal hainIs jahan-e-kuhnah ko
Apni fikr-e-nau se humEk lagan ki lau se hum
Jis tarah ka chahengeWaisa hi bana lenge
Pattharon ko mar mar kePaikaron mein dhalen ge
Ek umar hoti haiJis mein koi ladka ho
Ya koi ladki hoSochte hain dono hi
Kitne azm the apneNazr-e-khak hain sare
Baat daamanon ki kyaChaak chaak dil bhi hain
Hum ke harf-e-awwal theHarf-e-aakhireen bhi nahin
Hum ke aasman se theZarrah-e-zameen bhi nahin
Ek umar hoti haiKhwahishon ki jazbon ki
Ek umar hoti haiKahishon ki sadmon ki
فرہنگ
تشریح
اس نظم میں جوانی کے اس دور کا بیان ہے جب انسان سمجھتا ہے کہ وہ دنیا کو اپنی فکر اور لگن سے بدل دے گا، مگر وقت کے ساتھ یہ ارادے خاک میں مل جاتے ہیں۔ شاعر ابتدا میں پرجوش عزم کا لہجہ اختیار کرتا ہے، پھر آخر میں مایوسی اور تھکن کا احساس نمایاں ہوتا ہے۔ نظم کا ایک نمایاں مصرع "کتنے عزم تھے اپنے، نذر خاک ہیں سارے" ہے، جس میں خوابوں کے بکھر جانے کا دکھ جھلکتا ہے۔
نظم کا آخری حصہ خواہشوں اور صدموں کی اس عمر کی طرف اشارہ کرتا ہے جس میں امیدوں کے ساتھ دکھ بھی شامل ہو جاتے ہیں۔