قد و گیسو لب و رخسار کے افسانے چلےآج محفل میں ترے نام پہ پیمانے چلے
ابھی تو نے دل شوریدہ کو دیکھا کیا ہےموج میں آئے تو طوفانوں سے ٹکرانے چلے
دیکھیں اب رہتا ہے کس کس کا گریباں ثابتچاک دل لے کے تری بزم سے دیوانے چلے
پھر کسی جشن چراغاں کا گماں ہے شایدآج ہر سمت سے پر سوختہ پروانے چلے
یہ مسیحائی بھی اک طرفہ تماشا ہے کہ جبدم الٹ جائے تو وہ زخموں کو سہلانے چلے
جس نے الجھایا ہے کتنے ہی دلوں کو یاروہم بھی اس زلف گرہ گیر کو سلجھانے چلے
— احمد راہی
Qad-o-gesu lab-o-rukhsar ke afsane chaleAaj mehfil mein tere naam pe paimane chale
Abhi tune dil-e-shorida ko dekha kya haiMauj mein aaye to toofanon se takrane chale
Dekhein ab rehta hai kis kis ka gareban sabitChaak-e-dil le ke teri bazm se deewane chale
Phir kisi jashn-e-chiraghan ka guman hai shayadAaj har samt se par-sookhta parwane chale
Yeh masihaee bhi ik turfa tamasha hai ke jabDam ulat jaye to woh zakhmon ko sahlane chale
Jis ne uljhaya hai kitne hi dilon ko yaroHum bhi is zulf-e-girah-geer ko suljhane chale
فرہنگ
تشریح
اس غزل میں قد، گیسو، لب اور رخسار کے حسن کے افسانے محفل میں چھڑ جاتے ہیں اور ساقی کے نام پر پیمانے گردش میں آتے ہیں۔ شاعر دیوانگی، عشق کی بے باکی اور محبوب کی زلف کی الجھن کو مختلف پہلوؤں سے بیان کرتا ہے۔ مثلاً دیوانوں کا دل چاک لے کر بزم سے اٹھنا اور پروانوں کا جشن چراغاں کے گمان میں ہر سمت سے جمع ہونا عشق کی سرمستی کو نمایاں کرتا ہے۔ آخری شعر میں زلف کو سلجھانے کا ارادہ عاشقوں کی اس جرات کو ظاہر کرتا ہے جو خطرے کی پروا نہیں کرتی۔ لہجہ پرجوش اور رنگین ہے۔