طویل راتوں کی خامشی میں مری فغاں تھک کے سو گئی ہےتمہاری آنکھوں نے جو کہی تھی وہ داستاں تھک کے سو گئی ہے
گلا نہیں تجھ سے زندگی کے وہ زاویے ہی بدل چکے ہیںمری وفا وہ ترے تغافل کی نوحہ خواں تھک کے سو گئی ہے
مرے خیالوں میں آج بھی خواب عہد رفتہ کے جاگتے ہیںتمہارے پہلو میں کاہش یاد آستاں تھک کے سو گئی ہے
سحر کی امید اب کسے ہے سحر کی امید ہو بھی کیسےکہ زیست امید و نا امیدی کے درمیاں تھک کے سو گئی ہے
نہ جانے میں کس ادھیڑ بن میں الجھ گیا ہوں کہ مجھ کو راہیؔخبر نہیں کچھ وہ آرزوئے سکوں کہاں تھک کے سو گئی ہے
— احمد راہی
Tawaeel raaton ki khamshi mein meri faghan thak ke so gayi haiTumhari aankhon ne jo kahi thi woh daastan thak ke so gayi hai
Gila nahin tujh se zindagi ke woh zaawiye hi badal chuke hainMeri wafa woh tere tagaaful ki noha-khwan thak ke so gayi hai
Mere khayalon mein aaj bhi khwab-e-ahd-e-rafta ke jaagte hainTumhare pehlu mein kahish-e-yaad-e-aastan thak ke so gayi hai
Sahar ki umeed ab kise hai sahar ki umeed ho bhi kaiseKeh zeest umeed-o-na-umeedi ke darmiyan thak ke so gayi hai
Nah jaane main kis udher-bun mein ulajh gaya hoon keh mujh ko RahiKhabar nahin kuch woh aarzoo-e-sukoon kahan thak ke so gayi hai
فرہنگ
تشریح
اس غزل میں شاعر نے تھکی ہوئی امیدوں، ٹوٹی ہوئی محبت اور بے قرار دل کی کیفیت بیان کی ہے۔ رات کی خاموشی میں فغاں کا تھک کر سو جانا، اور محبوب کی آنکھوں کی داستان کا خاموش ہو جانا، دکھ اور تھکن کے احساس کو نمایاں کرتا ہے۔ شاعر کا لہجہ حسرت زدہ اور مایوسانہ ہے، جو امید اور نا امیدی کے درمیان الجھی ہوئی زندگی کو نمایاں کرتا ہے۔ آخری شعر میں شاعر اپنی الجھن اور سکون کی آرزو کے کھو جانے کا اظہار کرتا ہے۔