ساز یہ کینہ ساز کیا جانیںناز والے نیاز کیا جانیں
شمع رو آپ گو ہوئے لیکنلطف سوز و گداز کیا جانیں
کب کسی در کی جبہہ سائی کیشیخ صاحب نماز کیا جانیں
جو رہ عشق میں قدم رکھیںوہ نشیب و فراز کیا جانیں
پوچھئے مے کشوں سے لطف شرابیہ مزا پاکباز کیا جانیں
بلے چتون تری غضب ری نگاہکیا کریں گے یہ ناز کیا جانیں
جن کو اپنی خبر نہیں اب تکوہ مرے دل کا راز کیا جانیں
حضرت خضر جب شہید نہ ہوںلطف عمر دراز کیا جانیں
جو گزرتے ہیں داغؔ پر صدمےآپ بندہ نواز کیا جانیں
— داغ دہلوی
Saaz yeh keena-saz kya jaanenNaaz wale niyaaz kya jaanen
Shama-ru aap go hue lekinLutf-e-soz-o-gudaz kya jaanen
Kab kisi dar ki jabha-sai kiShaikh Sahab namaz kya jaanen
Jo rah-e-ishq mein qadam rakheinWoh nasheb-o-faraz kya jaanen
Puchhiye mai-kashon se lutf-e-sharabYeh maza pakbaaz kya jaanen
Balle chitwan teri ghazab-ri nigahKya karenge yeh naaz kya jaanen
Jin ko apni khabar nahin ab takWoh mere dil ka raaz kya jaanen
Hazrat Khizr jab shaheed na honLutf-e-umr-e-daraz kya jaanen
Jo guzarte hain Dagh par sadmeAap banda-nawaz kya jaanen