لاہور توں ولدیاں گڈیاں دےجڈاں ہارن سندے رو پوندے
کہیں کوچ دے اگلے شیشے تےجڈاں بکھر پڑھدے رو پوندے
جیہڑا کھل کھل ڈھاندے یاراں وچجیہڑا گاونڑ گاندے یاراں وچ
ادھ رات کوں ما دے بکسے چوںکوئی فوٹو چائیندے رو پوندے
اے مل دے مالک کیا جانناو لگ اچ منجا کیوں پائیندے
جڈاں نکڑی بھین دی یاد آوئیساو آپ کوں ڈیہدے شیشے وچ
کڈی سگریٹ لا کے کونے تےبہہ کندھاں نال الیئندا ہے
کڈی واء نال جھیڑے لائیندے ہےکندھ نال مخاطب تھی آہدے
سن گل بابا ناراض تاں نئیںونج رس کے ستاں ایں قبراں وچ
بھلا پیو کوئی رسدن پتراں توںاچھا سن بابا ہک گالھ ڈسائیں
جڈاں وسدے مینہہ ءچ ہک واریمیکوں مسجد چھوڑن گئے ہاوے
تیڈی جیب اچ عینک ترٹ گئی ہائیمیں تروڑی ہائی
جیہڑی گاں دی گانی گل گئی ہائیاو میں چائی ہائی
ونج گھنگھرو لائے ھن سائیکل کوںنئیں بولدا بابا ڈیکھ اماں
توں گالھ ڈساجیڑے گھر دے لمے نلکے تے
میں بوٹے لائے ہن ٹھیک کھڑنجڈاں آیا ھم میڈے چار کبوتر ہوندے ہن
ہنڑ ڈھیر ہوسن ہن کتنے ہنبیا رونق ٹھیک اے وستی دی
نیٹ ہن وی لگدے ملکاں داسچ شادی تھئی اے لیلی' دی
ھاں نال سراہانہ لا کے نتایہے وین کریندا سم ویندے
میڈا مالک تیڈے ہتھ کنمبدےمیڈا مالک تیڈا ھاں لاہندا
توں کن الویندو ڈیہدا میںکڈی چھ بھینیں دا ویر ہوندوں
تیڈی بڈھڑی جئی ہک ماء ہوندیپردیس بنیندوں پچھدا میں
مزدور رویندوں ڈیہدا میںکچھ حب دے جھیڑے ہوندے ہن
میں موسی ناہاں پر دل آہدا اےکدی پیراں کوں کوہ طور بنا
میڈا دل آہدااے تیکوں آکھ دیواںمزدور دا یار سداویں توں
وت رزق دیویں جد چاہویں توںالکاسب لکھ کے تلیاں تے
ول رازق لکھ کے متھڑے تےجداں محشر ملساں گل لگ کے
مخلوق دے سامنے آکھساں میںمیڈے پٹکے تائیں ہتھ پائیندی ہائی
میڈی غیرت نال الائیندی ہائیتیڈی غربت چوک اچ کھڑ کھڑ کے
میکوں ماں دی گالیں دیندی ہائیہر بشر کوں ستر ماں کولوں
ودھ کے پیار کریندا ہیںوت پیار دے نال دسا میکوں
انج دیکھ کے جیندی رہ سکدیمیڈی کنڈ تے چھالے سیمنت دے
میری ماں دیہدی تاں سہہ سکدیہک ہور دا لالچ مولوی کوں
میڈے بال مشوم کوہیندا رہےتوں شہہ رگ توں نزدیک ہاویں
توں کول کھلو کے ویہدا رہیںمیڈا ماتم عرش ہلایندا رہے
تاہوں ہر مزدور دی بھین کوں میںہتھ بنھ کے عرض ہمیش کیتا اے
کدی جمدے ویر دی انگلی کوںادھ رات کوں جاگ کے چمے نہیں
ایہدی روز گھڑولی چاوے نہیںایہدے منہ تے بوسے ناں دیوے
ہتھ ہوڑ دے ہیلک نہ ہونایہدے چہرے جھڑکاں جھلنیاں ہن
ایہدے اندر مہنے ساہونے ہنایہدے ہتھ ادھواڑے چاونے ہن
اور اہوں دہینہ توں پہلے روٹی کوںجداں بھل کے سجدا کر باہواں
کوئی کافر آکھ کے مار دیوےمیڈے ہاں تے پھٹ ہن غیرت دے
میکوں زخم جگر دے دھون دےبیا جیکر کجھ نہیں کر سکدا
میکوں ہاں نال لگ کے روون دے
— مومن مولائی
Lahore toon vildiyan gaddiyan deJidan horn sunde ro punde
Kihen coach de agle sheeshe teJidan bakhar purhde ro punde
Jehra khil khil dhanda yaran vichJehra gawanr ganda yaran vich
Adh raat koun maa de bakse chounKoi photo chainde ro punde
Ae mal de malik kiya jananO lag ich mincha kyun painde
Jidan nikri bhain di yaad aawisO aap koun dihde sheeshe vich
Kidi cigarette la ke kone teBeh kandhan naal alinda ae
Kidi wae naal jherhe lainde aeKandh naal mukhatib thi aahde
Sun gal baba naraz tan nainVanaj ras ke sittan ain qabran vich
Bhala piyoo koi rasdan putran toonAchha sun baba hik galh dassain
Jidan vasde menh ich hik vaariMaikoun masjid chhoran gaey haave
Tedi jaib ich ainak turtt gai haaiMein troori haai
Jehri gaan di gaani ghull gai haaiO mein chai haai
Vanaj ghungru lae han cycle kounNain bolda baba deekh imman
Toun galh dassaJehre ghar de lamme nalke te
Mein bote lae han theek kharanJidan aaya ham mede chaar kabootar hunde han
Hunr dher hosan han kitne hanBiyya raunaq theek ae vasti di
Net han vi lagde malikan daSach shadi thee ae Laila' di
Haan naal saraanhana la ke nitEihe wain krinda sam vinde
Mera malik tede hath kamdeMera malik teda haan lainda
Toun kan alwendo dihda mainKidi chha bhainiyan da veer hondo
Tedi buddhri jai hik maa hondiPardes banindon puchhda main
Mazdoor rawaindon dihda mainKujh hub de jherhe hunde han
Mein Moosa nahaan par dil aahda aeKadi pairan koun Koh-e-Toor bana
Mera dil aahda ae tikoun aakh dewanMazdoor da yaar sadawin toun
Wat rizq dewin jid chahvin tounAlkasab likh ke talliyan te
Wal razaq likh ke mattharrhe teJidan mahshar milsan gal lag ke
Makhlooq de saamne aakhsaan mainMede patke taain hath paindi haai
Meri ghairat naal alaindi haaiTedi ghurbat chauk ich khar khar ke
Maikoun maa di galliyan dendi haaiHar bashar koun sattar maa kolon
Waddh ke pyar krinda heinWat pyar de naal dassa maikoun
Injh deikh ke jeendi reh sakdiMeri kandh te chhalae cement de
Meri maa dehendi tan sahh sakdiHik hor da lalach Molvi koun
Mede baal mishoom kuheenda raheToun sheh rag toon nazdeek hawin
Toun kol khlo ke vehda rahinMera matam arsh hilainda rahe
Tahoon har mazdoor di bhain koun mainHath bannh ke arz himaish keeta ae
Kadi jamde veer di ungli kounAdh raat koun jaag ke chumme nahin
Eihedi roz ghadoli chawwe nahinEihede munh te bose naa dewe
Hath hor de heelak na honEihede chehre jharhkaan jhalniyan han
Eihede andar mihne sahone hanEihede hath adharrhe chawane han
Aur ahoun dinh toon pehle roti kounJidan bhal ke sajda kar bawwan
Koi kafir aakh ke maar deweMede haan te phatt han ghairat de
Maikoun zakhm jigar de dhoon deweBiyya jikar kujh nahin kar sakda
Maikoun haan naal lag ke roon dewe