اُردو بولن والیے کُڑیےتُوں کیہ جانیں
وارث شاہ دی ہیر کہانیبُلھےشاہ دے پَیر دے گھنگرو
شاہ حسین دی سُچل کافیآدم زاد دی پہلی معافی
اُردو بولن والیے کُڑیےتُوں کیہ جانیں
چلدے کُھوہ دیاں وگدیاں ٹِنڈاںکھیتاں وچ کھلوتے بنّے
اَوس فجر دیبانگ ڈِگر دی
اردو بولن والیے کُڑیےتُوں کیہ جانیں
بَگی اکھ دا کالا سُرمہصندل بانہہ وچ نچدا کنگن
نک دی نتھلیسُر وچ وجدی پیار دی ونجھلی
اردو بولن والیے کُڑیےتوں کیہ جانیں
فجراں دے وچ رِڑکی لسّیلسّی دے وچ تَردا مکھن
شِکر دوپہرے بھخدی روٹیامب دی پھاڑی
وچ تندور دے بُھنیا بینگنگُڑ گُڑ کردا شام دا حُقہ
ویہڑے دے وچ گِڑدا نلکاہجر وچھوڑے کَتدا چرخا
اُردو بولن والیے کُڑیےتُوں کیہ جانیں
پہلے پیار دی پہلی واڈھیچیتر دے وچ ہسدیاں رُتاں
ڈھولک دی اک تھاپ دے اُتّےرنگ برنگیاں نچدیاں گُتاں
تُوں کیہ جانیںکہی درانتی
تانبے ورگی کنک دے سِٹےپچھلے سال دے کیتے وعدے
ایس وساکھی پورے کیتےاُردو بولن والیے کُڑیے
تُوں کیہ جانیںاردو بولن والیے کُڑیے
توں کیہ جانیںلُکن میٹی
شکر بِھجیوانجھو واہنا
گُچی، بنٹے، انٹ تے پِلاباندر کِلّا
توں کیہ جانیںلاٹو، پاپے
لِیڑیاں اتے وجدے تھاپےجنتاں ورگے بُڈھے ماپے
تُوں کیہ جانیں”کوکلا چھپاکی جمعرات آئی اے
جہڑ اگر پِچھڑ ویکھے اوہدی شامت آئی اے“اردو بولن والیے کُڑیے
تُوں کیہ جانیںٹانڈ دے بھانڈے
پِتل، تانبادُدھ دی گڑوی
تُوں کیہ جانیںرُکھ دے اُتّے لکھیا نام
مُندری، چھلا، پنڈ دی شاماردو بولن والیے کُڑیے
توں کیہ جانیںلیلپور نوں جاندا رستہ
نال مرونڈے بھریا بستہتوں کیہ جانیں
امرت سر دا رُوپ سروپقد سرو دا
نین نشیلےچندی گڑھ دے رنگ رنگیلے
تُوں کیہ جانیںکھیتاں دے وچ ٹُردا نالہ
دُوروں ہسدا شہر پٹیالہاُردو بولن والیے کُڑیے
تُوں کیہ جانیںامرت سر دیاں پاپڑ وڑیاں
شہر جلندھر، عشق کتاباںپھیل رہیا اے وانگ گُلاباں
تُوں کیہ جانیںشہر بھٹنڈہ
شہر لہور دے بُرج منارےبھخدی اکھ دے سُرخ انگارے
اتھرو کھارےتوں کیہ جانیں
شہر پٹیالہکرمانوالہ
دیسی جُتی، پیر دا کُھسہرنگلا نالہ
دیس پنجاب دے سر دی پگڑیاج وی تگڑی
اردو بولن والیے کُڑیےتُوں کیہ جانیں
شہر قصور دی رنگلی جُتیپِچھے نسدی جنگلی کُتی
جان کستیتُوں کیہ جانیں
جھنگ دی چُوڑیمست پراندا
شہر ملتان دا کنگن حلوہامرت سر دے رُوپ دا جلوہ
اردو بولن والیے کُڑیےتُوں کیہ جانیں
ٹانگر میوہ، بُوندی پارےفاضل کے دے توشے
کوٹ کپور دا ڈھوڈاصندل رُکھ دا چھوڈا
بھین بھرا دا موڈھااُردو بولن والیے کُڑیے
تُوں کیہ جانیں
— پنجابی شعرا
Urdu bolan valiye kurhiyeTu keh janain
Waris Shah di Heer kahaniBullhay Shah de pair de ghungru
Shah Hussain di suchal kafiAadam zaad di pehli muafi
Urdu bolan valiye kurhiyeTu keh janain
Chalde khuyaan diyan vagdiyan tindanKhaitan vich khlote banne
Aos Fajar diBang digar di
Urdu bolan valiye kurhiyeTu keh janain
Baggi akh da kala surmaSandal baanh vich nachda kangan
Nak di nathliSur vich vajdi pyar di vanjhli
Urdu bolan valiye kurhiyeTu keh janain
Fajran de vich rirrki lassiLassi de vich tarda makhhan
Shikar dopahre bakhdi rotiAmb di pharhi
Vich tandoor de bhunya bainganGurh gurh karda shaam da huqqa
Verhe de vich girda nalkaHijar vich vaddhe katda charkha
Urdu bolan valiye kurhiyeTu keh janain
Pehle pyar di pehli vadhhiChaitar de vich hasdiyan ruttan
Dholak di ik thap de utteRang barangiyan nachdiyan guttan
Tu keh janainKahi daranti
Tambe vargi kanak de sittePichhle saal de keete vaade
Es Vasakhi pure keeteUrdu bolan valiye kurhiye
Tu keh janainUrdu bolan valiye kurhiye
Tu keh janainLukkan mitti
Shakar bhijjiVanjho vahna
Guchchi, bante, ant te pillaBandar killa
Tu keh janainLato, pape
Lian atte vajde thapeJantan vargay buddhay mape
Tu keh janain"Kookla chhapakki Jumarat aai ae
Jehr agar pichhar vekhay ohdi shamat aai ae"Urdu bolan valiye kurhiye
Tu keh janainTannd de bhande
Pittal, tanmbaDudh di gaddwi
Tu keh janainRukh de utte likhya naam
Mundri, chhala, pind di shamUrdu bolan valiye kurhiye
Tu keh janainLailpur nu janda rasta
Naal maronde bharaya bastaTu keh janain
Amritsar da roop saroopQad saru da
Nain nashileChandi garh de rang rangeele
Tu keh janainKhaitan de vich turda nala
Duroon hasda shehar PatialaUrdu bolan valiye kurhiye
Tu keh janainAmritsar diyan paparr waddiyan
Shehar Jalandhar, ishq kitabanPhel reha ae vang gullaban
Tu keh janainShehar Bhatinda
Shehar Lahore de burj minareBakhdi akh de surkh angare
Athru khareTu keh janain
Shehar PatialaKarmanwala
Desi jutti, pair da khussaRangla nala
Des Punjab de sar di pagriAj vi tagri
Urdu bolan valiye kurhiyeTu keh janain
Shehar Qasoor di rangli juttiPichhay nasde jangli kutti
Jaan kustiTu keh janain
Jhang di churhiMast prandha
Shehar Multan da kangan halwaAmritsar de roop da jalwa
Urdu bolan valiye kurhiyeTu keh janain
Tanger meva, boondi paareFazil ke de toshe
Kot Kapur da dhoddaSandal rukh da chhodda
Bhain bhara da moddaUrdu bolan valiye kurhiye
Tu keh janain
