دل کے سنسان جزیروں کی خبر لائے گادرد پہلو سے جدا ہو کے کہاں جائے گا
کون ہوتا ہے کسی کا شب تنہائی میںغم فرقت ہی غم عشق کو بہلائے گا
چاند کے پہلو میں دم سادھ کے روتی ہے کرنآج تاروں کا فسوں خاک نظر آئے گا
راگ میں آگ دبی ہے غم محرومی کیراکھ ہوکر بھی یہ شعلہ ہمیں سلگائے گا
وقت خاموش ہے روٹھے ہوئے یاروں کی طرحکون لو دیتے ہوئے زخموں کو سہلائے گا
زندگی چل کہ ذرا موت کے دم خم دیکھیںورنہ یہ جذبہ لحد تک ہمیں لے جائے گا
— احمد راہی
Dil ke sunsan jazeeron ki khabar laaye gaDard pehlu se juda ho ke kahan jaaye ga
Kaun hota hai kisi ka shab-e-tanhai meinGham-e-furqat hi gham-e-ishq ko behlaye ga
Chand ke pehlu mein dam saadh ke roti hai kiranAaj taron ka fasoon khaak nazar aaye ga
Raag mein aag dabi hai gham-e-mahroomi kiRaakh ho kar bhi yeh shola hamein sulgaye ga
Waqt khamosh hai roothe hue yaaron ki tarahKaun lau dete hue zakhmon ko sahlaye ga
Zindagi chal keh zara maut ke dam kham dekheinWarna yeh jazba lahad tak hamein le jaaye ga
فرہنگ
تشریح
اس غزل میں دل کی تنہائی، درد کی جدائی اور غمِ عشق کے بوجھ کو بیان کیا گیا ہے۔ شاعر کا لہجہ اداس اور حسرت آلود ہے، اور وہ اپنے باطن کے سنسان گوشوں اور زخموں کی کیفیت کو مختلف علامتوں کے ذریعے سامنے لاتا ہے۔ مثلاً "راکھ ہوکر بھی یہ شعلہ ہمیں سلگائے گا" میں دبی ہوئی آگ کا استعارہ، یعنی محرومی کا غم جو ختم ہو کر بھی باقی رہتا ہے، نمایاں ہے۔ آخری شعر میں زندگی اور موت کے درمیان جذبے کی شدت کا ذکر ہے جو انسان کو قبر تک لے جاتا ہے۔